ایک بزرگ گزرے ہیں خواجہ سلیمان تونسوی رحمۃ اللہ علیہ ۔ ان کے آپ ایک جوان آیا دور دراز کے علاقے کا رہنے والا تھا ۔ حضرت سے ملاقات کی تو دل میں کہنے لگا کہ پیر شیر تو اتنا اعلیٰ نہیں ہے اب اتنی دور آیا ہوں تو کوئی نصیحت ہی لے لیتا ہوں ۔ حضرت سے کہنے لگا حضور کوئی نصیحت ہی کر دیں ۔ خواجہ صاحب نے فرمایا کہ رب کو یعنی رب کی معرفت کو ، رب کی رضا کو اپنے سے بلند نہ سمجھنا تو اپنے برابر ہی سمجھ لینا ۔ یہ سن کر جوان دل میں ہی بول اٹھا ہو گیا کام تمام پیر تو کفر بول رہا ہے کافر ہے یہ تو ۔ چونکہ پاس کافی مرید تھے اس لیے ڈر سے کچھ نہیں بولا ۔ رات ہو چکی تھی دور سے آیا تھا تو اب رات گزارنا پڑ گئی ۔ صبح ناشتے میں جوان کو مکھن ، تازہ پراٹھے ، لسی کے ساتھ رات کی روٹی اور سالن بھی پیش کیا ۔ وہ ناشتہ کرنے بیٹھا ہی تھا کہ دروازے پر صدا آتی ہے کہ اللہ کے نام پے کچھ دے ۔ جوان اٹھتا ہے اور رات کا سالن اور روٹی فقیر کو دے آتا ہے ۔ فقیر خوشی خوشی چلا جاتا ہے جوان ناشتہ کر کے گھر کے لیے روانہ ہونے لگتا ہے تو خیال آتا ہے چلو جا تو رہا ہوں بابا جی کو بتاتا جاؤں کہ میں جا رہا ہوں ۔ خواجہ صاحب کے پاس آیا سلام لیا تو خواجہ صاحب اب بولے کہ بیٹا رات تو میری بات تجھے کفر لگی تھی اور صبح اٹھ کے تو نے کیا کیا ؟۔۔۔ حیرت سے بول اٹھا کیا ہوا حضور میں نے ایسا کیا کر دیا ۔۔ خواجہ صاحب بولے کہ جب فقیر نے اللہ کے نام پر مانگا تو تو نے رب کے نام پر باسی روٹی اور سالن رب کے نام پر دے دیا اور اپنے لیے مکھن ، پراٹھے اور شہد بتا نہ زرا یہ تو نے ٹھیک کیا ہے ؟۔۔ خواجہ صاحب بولے اگر تو رب کی رضا کو خود سے افضل جانتا تو پھر مکھن ، پراٹھے اور شہد تو رب کے نام پر دیتا اور باسی روٹی خود کھاتا اور اگر تو رب کی رضا کو اپنے برابر ہی سمجھ لیتا تو آدھا تو اپنے لیے رکھتا اور آدھا رب کے لیے دے دیتا ۔ اب جوان کے دل کے پردے ہٹے تو قدموں میں بیٹھ گیا خواجہ صاحب بولے کہ تو نے تو نہ رب کو اپنے برابر سمجھا نہ اپنے سے اوپر ۔ جوان کہنے لگا حضور مرید کر لیں تو خواجہ صاحب فرمانے لگے جو کفر بولے ، کافر ہو تو ان کا مرید تو نہیں بنا جاتا نہ ۔ جا کہیں اور جا کے مرید ہو جا ۔ زیادہ کچھ نہیں بولوں گا بس اتنا ہی کہ میں اور آپ دیکھ لیں ہم کہاں کھڑے ہیں ہم رب کو ، رب کی معرفت کو کہاں جگہ دیتے ہیں ؟۔۔۔۔۔۔ #صلي_علي_النبي_محمد_صلي_الله_عليه_وسلم #صلوا_على_رسول_الله #ختم_نبوت_زندہ_باد #صلي_علي_النبي #صلي_علي_النبي #ختم_نبوت_پر_جان_قربان #ختم_نبوت_پر_جان_قربان #صلي_علي_النبي_محمد_صلي_الله_عليه_وسلم #صلي_على_محمد - @abeer9t5