እግዚአብሔርን ማስቀየም ፣ ቅጣትን ከመፍራት ይልቅ ያሳዝናል። እንደ አለመታደል ኾኖ፣ ገሀነም ባይኖርና ባንፈራ ፣ ምንም ዓይነት መልካም ነገር ለማድረግ አንመርጥም ነበር። ይህ በእጅጉ የሚያሳዝን ኹኔታ ነው ። ስለዚህ በሌላ ምክንያት አይኾንም እንኳ ክርስቶስን ከምንወደው በላይ ስለምንፈራው ገሀነም ይገባናል ። ወደ ገሀነም እንድንገባ የሚያስፈርድብንም ለእርሱ በልባችን ፍቅር ማጣት ነው ። ክርስቶስን እንደሚገባው ብንወደው ኖሮ የምንወደውን እርሱን መጉዳት (ማሳዘን ) በገሀነም ውስጥ ከሚገኝ ከማንኛውም ቅጣት የበለጠ የሚያም መኾኑን እንረዳ ነበር ። ነገር ግን ለእርሱ ያለን ፍቅር ስለጎደለ የቅጣቱን መጠን መረዳት ተስኖናል ። አምላካችን በእኛ ዘንድ ለመወደድ ያላደረገው ነገር ምንድን ነው ። ያላሰበውስ ምንድን ነው ? ምንንስ ረስቷል? አዋርደነዋል፣ ምንም እንኳን እሱ ፈጽሞ ባይበድለንም ስፍር ቁጥር የሌላቸውን እና በቃላት ሊገለጽ የማይችል በረከቶችን ሰጠን። በኹሉም መንገድ ሲጠራን ከእርሱ ራቅን ነገር ግን ስለ ጥፋታችን አልቀጣንም። ይልቁንም እኛ ከእርሱ ስንጠፋ ሊፈልገን መጣ ። እኛ ግን ገፍተነው ወደ ዲያብሎስ እቅፍ ተሸሸግን ። እኛን እንዲመልሱ ብዙ መልእክተኞችን ላከ ነብያትን ፣ መላእክትን ፣ አባቶችን ፤ ኾኖም መልእክታቸውን ውድቅ ማድረጋችን ሳይበቃን መልእክተኞችን ስድብን አባረርናቸው ። ይኽ ኹሉ ሲኾን እግዚአብሔር አልጣለንም ። እንደ ታማኝ ፍቅረኛ ደከመኝ ሰለቸኝ ሳይል ሰማይን ፣ ምድርን ፣ ኤርምያስን ፣ ሚኪያስን እና ሌሎችን እርሱን ወክለው እንዲናገሩ አደረገ፤ እኛን ለመጨፍለቅ ሳይኾን እኛን ለማዳን ይኽን አደረገ ። እንዲያውም " ሕዝቤ ሆይ ምን አደረኩኽ ፣ ምን በደልኩኽ ? መልሱልኝ " ሲል የተማጽኖን ጥያቄ ደጋግሞ በነብያት በኩል ላከብን ።....... ቅዱስ ዮሐንስ አፈወርቅ #ኦርቶዶክስ⛪ተዋህዶ⛪ለዘለዓለም🙏ትኑር🙏 #መዝሙር_ዘኦርቶዶክስ_ተዋህዶ #ኦርቶዶክስ_ተዋህዶ_መዝሙር #coptic #ethiopianorthodox #መዝሙር #ማርያም #ethiopianorthodoxtewahedo🇪🇹 #ethiopian_tik_tok🇪🇹🇪🇹🇪🇹🇪🇹 - @sereke.birhanu