@mrdbshv: Və o gecə son gecə idi... Hər şey sanki susmuşdu o gecə. Danışmağa söz yox idi, susmağa səbəb çox. O, getdi... səs-səssiz, səbəbsiz. Ardınca qalan isə təkcə sükutun içində boğulan xatirələr oldu. Gözlərimin içinə baxıb getdi. Elə bil, baxışlarında gizlədilmiş bir “bağışla” vardı, amma dilə gəlmədi. Mən isə heç vaxt eşidə bilmədiyim o bir cümləni gözlədim “qalacam”. Bir vaxtlar “hər şeyin olacağı” yer, indi “heç nəyin qalmadığı” bir boşluğa çevrildi. Divarlar da yoruldu, mən də. Göz yaşları dənizə dönsə də, heç nə dəyişmədi. Çünki o gecə, sonuncu idi. İnsan elə bir anla qarşılaşır ki, bir ürəkdə neçə ömrün dağıldığını hiss edir. Sən birinə hər şeyini verirsən, o isə sənə sadəcə bir gecə buraxır və o gecə, hər şeyi bitirir. Nə səs qaldı, nə nəfəs. O gecə getdi və özüylə məni də apardı. Amma heç vaxt geri dönmədi... #mrdpain #mrdbshv