@1832000: مع الوقت هتتعلم إن مش كل حاجة تستاهل رد، ومش كل موقف يستاهل إنك تفتح صدرك وتشرح وتدافع وتثبت إنك على حق.. القوة الحقيقية ساعات مش في الكلام.. ولا في إنك تكسب جدال.. القوة الحقيقية إنك تسكت، تسكت وانت عارف مكانك وقيمتك كويس.. انت مش محتاج تثبت لحد إنك بتعمل الخير، الخير شاهد نفسه.. اللي عايز يظهر إنه أشطر منك.. سيبه، لأن اللي فعلا شاطر مش محتاج يثبت، نجاحه بيتكلم من غير صوت. اللي عايز يدخل الشارع قبلك.. سيبه، انت رايح على وجهتك برضه، وهو اللي مستعجل، مش انت. اللي عايز يقول "أنا الأقوى".. سيبه، لأن القوة مش صرخة ولا استعراض، القوة إنك تبقى هادي وسط دوشة الدنيا. اللي عايز يحكي عنك وحش.. سيبه، لأنه مش هيعرف يغير القلوب اللي بتحبك. صدقني، محاولتك إنك تثبت نفسك طول الوقت للناس، دي أكبر إهانة ليك من غير ما تحس. وكأنك بتقولهم "أنا مش واثق في نفسي، فاسمعوني". لكن لما تقعد ساكت.. وراسك مرفوعة.. وأفعالك هي اللي بتتكلم عنك.. هنا الناس غصب عنها هتشوفك، حتى لو حاولوا يقللوا منك. القوة مش إنك ترد على اللي بيحاول يستفزك.. القوة إنك تبتسم وتسكت. القوة مش إنك تدخل في سباق إثبات ذات مع أي حد.. القوة إنك تفهم إنك مش محتاج السباق ده من أصله. أوعى تفتكر إن سكوتك ضعف.. لأ، سكوتك أوقات بيبقى قصف جبهات من غير ولا كلمة. وساعتها بس هتفهم إنك مش محتاج تثبت حاجة لأي مخلوق.. لأنك ببساطة، واثق في نفسك وعارف قيمتها. خلي قوتك في هدوءك، وخلي سلاحك في صبرك.. الزمن بيمشي، والمواقف بتتكرر، والناس بتتغير.. لكن اللي ثابت إن الحقيقة عمرها ما بتتخبّى، والأصيل عمره ما يحتاج يثبت إنه أصيل. 🤍