@mymam609: በሳዑዲ አረቢያ የሚገኙት ሼህ መሀመድ አልአሙዲ በዛሬው እለት በተከናወነው የሜድሮክ የሰራተኞች ቀን ላይ በቪዲዮ መልእክት አስተላልፈዋል፡፡ ሼህ መሀመድ መልእክታቸውን የጀመሩት እንኳን ለአዲሱ አመት አደረሳችሁ በማለት ሲሆን ቀጥለውም ‹‹የህዳሴው ግድብ መጠናቀቅ ለእኛም ለልማታችን ስለምንፈልገው የኢትዮጵያ ህዝብ ክብርና ኩራት ነው፡፡ እንኳን ደስ አለን፣ እንኳን ደስ አላችሁ›› ብለዋል፡፡ ባለፉት 5 አመታት ሚድሮክ ያከናወናቸውን ስራዎች ሪፖርት በተመለከተ ውጤቱ እንዳረካቸው ያስታወቁት ባለሀብቱ ድርጅታቸው በርካታ ሰራተኞችን እንዲቀጥርም አሳስበዋል፡፡ አዳዲስ ትልልቅ ፕሮጀክቶች እንደሚጀመሩ የገለፁት አልአሙዲ በእነዚህ ፕሮጀክቶች በርካታ ሰራተኞች እንደሚቀጠሩ አስረድተዋል፡፡ እንዲሁም ‹‹የእኔ ምኞች ኢትዮጵያ ውስጥ መካከለኛ ገቢ ያለው ማህበረሰብ እንዲኖር ነው›› ብለዋል፡፡ አልአሙዲ በንግግራቸው ማጠቃለያም ‹‹በቅርቡ እመጣለሁ፣ እንወያያለን›› በማለት አስታውቀዋል፡፡