@alowid_: الشاعر فهد المساعد لقى له صورة وهو صغير وقعد يحاكي نفسه وهو يطالع صورته وكتب قصيدته المشهورة ، وأنا سايرت القصيدة وحطيت صورة شايل نفسي وأنا صغير وبينهم 28 سنة يالله حسن الخاتمة : ‏ أمس ضقت ورحت أقلب ذكرياتي .. وانتهيت ‏عند صورة طفل صوته مثل صوتي لا انجرحت ‏وش مثل لا والله إلا هذا أنا يوم ابتديت ‏أنطق حروف تلعثم في لساني لا انمدحت ‏هذا أنا يوم الحياة فنظرتي عشرين بيت ‏ومسجدين ومدرسة من طين كم فيها اصطبحت ‏هذا أنا وأصبحت اتمتم : هذا انا حتى بغيت ‏ أختنق .. بس القدر عيا على موتي .. وطحت ‏وصاح صوت الطفل فيني : أنت من وين ارتميت ‏قلت أنا المستقبل اللي فيه كم همت وطمحت ‏أمس كنت أبيك تكبر .. بس والله لو دريت ‏أني اللي عشت لأجله مت عندك وأسترحت ‏لو دريت إن الزمان يجر رجلي .. ما عديت ‏ولو دريت إن البحور بلا مواني .. ماسبحت ‏كان دربك لي طويل .. وكل ماشفتك هويت ‏قلت لك : كبوة جواد .. وما كبيت إلا وجمحت ‏ليه تسمعني وتمشي ؟! آه ليتك ما مشيت ‏و آه ليتك من كثر عثرات الأيام انتصحت ‏ضاعت أحلام وظل الحزن فيني واهتديت ‏للطريق اللي يوديني على دمعي ورحت ‏يالحزن ليتك مثل دمعي وتنزل لا رقيت ‏بس أعرفك لو مسحت الدمع تبقى ما انمسحت ‏كان حلمي في وجود إنسان يبكي لا بكيت ‏وصار حلمي في وجود إنسان يفرح لا فرحت ‏كنت أشوف الناس مثلي كل ما جعت وضميت ‏مادريت إن الأوادم ناس فوق وناس تحت ‏آه يا أول ذكرياتي خذني فحضنك نسيت ‏لأسألك عن وجه أبوي اللي معه ياما سرحت ‏خذني فحضنك أبغفى ياه مبطي ماغفيت ‏وإن لمحت دموع عيني سو نفسك مالمحت ‏خذني فحضنك وبعثر في جروحي وإن قضيت ‏هز لي كتفي وقل لي : عيب تبكي لو سمحت ‏اضحك وعلم زماني من أنا ومن وين جيت ‏طق باب الحزن واصرخ فيي لا مني فتحت ‏و ضمني يمك وكمل ضحكتك لا من بكيت ‏ودي أذكر كيف كانت ضحكتي لا من فرحت #الكويت🇰🇼 #الشعب_الصيني_ماله_حل😂😂 #السعودية #الامارات #explorer #ترند #viral #trend #gemini #Summer #tiktok

م. سعـود

Open In TikTok:

Region: KW

Monday 15 September 2025 17:44:51 GMT