@vllogsraye: يا جماعة الخير، خلوني أقول لكم معلومة بتغيّر نظرتكم للحركة بعد الأكل 👇 ترى ما يحتاج تروح النادي، ولا تركض مسافات، ولا تسوي تمارين صعبة. فيه أربع حركات سهلة مرة، لو تسويها بعد الأكل تساعد جسمك يتعامل مع السكر بشكل ذكي. الفكرة وش هي؟ يوم نأكل خبز، رز، بطاطس، أو حتى حلا وفواكه، يرتفع السكر بالدم بسرعة. الارتفاع هذا يسبب التهابات، يخلي البنكرياس يفرز إنسولين، وبعدها ينزل السكر فجأة وتحس بتعب ورغبة تاكل حلا أكثر. الحركة البسيطة تقدر تكسر هذي الحلقة. لأن أي عضلة تتحرك تحتاج طاقة، والمصانع الصغيرة اللي داخلها (الميتوكوندريا) تروح تدور على الجلوكوز بالدم وتستهلكه عشان تعطيك طاقة. النتيجة؟ السكر ينزل بشكل طبيعي من غير ما يرهق جسمك بجرعات إنسولين زيادة. وأبشرح الأربع حركات: 1. رفع الساقين (Calf Raise): قاعد أو واقف، حط رجولك على الأرض، ارفع نفسك على أطراف الأصابع ونزل. كررها 5–10 دقايق. فيه دراسة تقول إن عضلة الساق بالذات ممتازة في امتصاص السكر بعد الأكل. 2. المشي: عشر دقايق بس بعد الأكل كافية تقلل ارتفاع السكر. حتى لو تتمشى بالبيت أو بالمكتب، الحركة تنفع. 3. سكوات: النزلة والطلعة المعروفة. دراسة قارنت بين مشي 30 دقيقة وبين 10 سكوات كل فترة، وطلع السكوات أقوى في خفض السكر. ما يحتاج تسوي كثير، مرتين أو ثلاث بعد الأكل تكفي. 4. شغل البيت: تنظيف مطبخ، كوي، مكنسة.. أي نشاط مدته ربع ساعة بعد الأكل يعتبر تمرين ويقلل القفزة. الخلاصة: العضلات تقدر تمتص السكر من الدم مباشرة بدون إنسولين. هذا يخلي جسمك أهدى، طاقتك أثبت، ويقلل خطر مقاومة الإنسولين على المدى البعيد. يعني عندك أربع خيارات سهلة: رفع الساق – مشي – سكوات – شغل بيت. اختر وحدة منها على الأقل بعد الأكل، وبتلاحظ الفرق بنفسك. #خسارة_الدهون #نادي #creatorsearchinsights #مقاومة_الانسولين #ثبات_الوزن

Raye | حياة صحيه 🏋🏻‍♀️

Open In TikTok:

Region: SA

Monday 15 September 2025 18:22:07 GMT