@gmanews: Sa panayam ng #GMAIntegratedNews kay Manila City Mayor Isko Moreno at Manila Police District (MPD) spokesperson Police Major Philip Ines, sinabi nilang aabot sa inisyal na 84 ang bilang ng mga pulis na nasugatan dahil sa mga riot, 15 ang dinala sa ospital. Nasa 72 ang mga naaresto naman na sangkot sa mga kaguluhan sa ilang lugar sa Maynila kabilang ang Recto at Mendiola, 20 rito ay mga menor de edad. Nilinaw din ng MPD na walang nagpaputok ng baril mula sa hanay ng mga pulis noong kasagsagan ng mga kaguluhan. Nangako si Mayor Isko na pananagutin ang mga sangkot sa mga naganap na riot. Patuloy naman ang imbestigasyon ng MPD sa mga nangyaring riot nitong Linggo, September 21. Gayundin ang posibleng pag aresto sa iba pang sangkot. | via EJ Gomez/GMA Integrated News