@mon.ty628: أجمل ما في العلاقات الإنسانية إنو يكون في تلميحات صادقة مليانة حب ودفء وحنية التلميحات البسيطة الكلمة الصغيرة، النظرة المليانة اهتمام دي كلها تفاصيل صغيرة لكنها بتخلي الزول يحس بمكانتُه الحقيقية عند الطرف التاني كلمة " أشتقت ليك " بحبك " ممكن تغيّر يوم كامل، وتخلي الدنيا تنوّر في قلبك مهما كانت الظروف حوالَيك المؤلم إنو في نوع من التلميحات ما فيها حب، بالعكس بتكون مليانة سُمّية، بتخلي الإنسان يشك في نفسه، ويحسب إنو هو دائمًا الغلطان "التلميحات التوكسك" دي بتسرق مننا الطمأنينة، وبتدي صورة ما فينا، وبتخلينا نحس إنو ما مقبولين زي ما نحن ودي أخطر حاجة في أي علاقة، لأنو المحبة الحقيقية ما بتقوم على التشكيك ولا على الجرح الخفي 😩❤ البني آدم بطبعُه محتاج زول يلقاهو زي ما هو، زول يقرأه ويفهمه بصدق، يقدر ضعفه زي ما بيقدر قوته زول ما بخاف يقول الحقيقة، وما بختار يلمّح ليك بالحاجات الوحشة عشان يوجعك لأنو الزول العندو حب حقيقي، لمن يشوف غلطك بواجهك بصراحة و بوجه مليان مودة، وما بيخليك في ضبابية أو دوامة من التساؤلات خلونا ندي الصراحة قيمتها الحقيقية لو زعلت، قولي بصراحة لو اتضايقت عبّر بصدق لو حسيت بجرح، واجه من جرحك بدون خوف ❤ الصراحة هي المفتاح البخلي العلاقات أوضح وأريح وأجمل الصراحة بتخلق أمان، وبتخلي الزول يقدر يعتمد عليك وهو مطمئن إنك ما بتلف ولا تدور ولما نكون صريحين مع بعض، بنبني جسور ثقة قوية، بتخلّي العلاقة ما تنهار من أول هزة عند النهاية ❤ يا أخوانا، ما في داعي نلبس قناع أو نغطي مشاعرنا بتلميحات جارحة أو غامضة خلونا نكون واضحين وصرُحاء، لأنو دا الطريق الوحيد لعلاقات صحية، مستقرة، ومليانة حب حقيقي العلاقة البتقوم على الصراحة والصدق، ما بس بتعيش بتزدهر، وبتكون سند، وبتبقى منارة في طريق الحياة #المنتصر ❤

المنتصر

Open In TikTok:

Region: SD

Tuesday 23 September 2025 15:06:48 GMT