@ammar_khan030: غزل اوشہر جہڑا بھک دے کنارے تے کھڑا ہے مفلس دے وانگوں رب دے سہارے تے کھڑا ہے دھرتی تاں میڈی ہنج دے پانڑیں تے کھڑی ہے اسمان میڈی دھاں دے منارے تے کھڑا ہے پوہ رات دی ٹھڈ ویڑھ کے اسمان دی بھک تے اے چندر پتے کیندے اشارے تے کھڑا ہے کوئی سوچ کینویں سوچے میڈی سوچ سہیلی ہک شخص میڈی سوچ دے دھارے تے کھڑا ہے ہنڑ جہڑا جتھاں حق دی کھڑا گال کریندے او ظلم دے بکھدے ہوۓ انگارے تے کھڑا ہے او اپ اوندے بال اوندا مال کیڈے گۓ پٹکا تاں اوندا بیر دے ڈھارے تے کھڑا ہے وگڑیۓ ہوۓ حالات سدھے کون کریسی شاعر وی اجاں اونویں سلارے تے کھڑا ہے او تارا جہڑا رات دا سرگار کریندے ناشاد او تارا وی اندھارے تے کھڑا ہے جمشیدناشاد۔۔۔۔۔ #foryou #repost