@sayar.sai.sai.hei: ပဋ္ဌာန်းတစ်လအဓိဌာန်ဝင်နည်း No.1 နမောတသရွတ်ဆို၍ဘုရားရှိခိုးပါ ငါးပါးသီလခံယူပါ No.2 (အဓိဋ္ဌာန်ပြုပါ) ဘုရားတပည့်တော်သည်(စရွတ်သည့်နေ့)စ၍ နေ့စဉ်မပြတ် တစ်လတိတိ ပဋ္ဌာန်းဒေသနာတော်များရွတ်ဆိုပြီး မြတ်စွာဘုရားကိုပူဇော်ပါမည်ဟု အဓိဋ္ဌာန်ပြုပါသည်အရှင်ဘုရား ထိုကဲ့သို့ တစ်လအဓိဋ္ဌာန်ပဋ္ဌာန်းရွတ်ဖတ်ပူဇော်ရာတွင် ယနေ့အဓိဋ္ဌာန်အဖြစ် ယခုအချိန်မှစ၍ ပဋ္ဌာန်းဒေသနာတော်များကိုရွတ်ဖတ်ကာ မြတ်စွာဘုရားအားပူဇော်ပါတော့မည် အရှင်ဘုရား No.3(နတ်ပင့်) သမန်တာ စက်က-ဝါလေသု၊ အက်တရာ ဂစ်ဆန်တု ဒေဝတာ သတ်ဓမ်မံ မုနိရာဇတ်သ၊ သုဏန်တု သက်ဂမောက်ခဒံ။ (ဓမ်မတ်-သဝန-ကာလော အယံ ဘတ်ဒန်တာ) (ဓမ်မတ်-သဝန-ကာလော အယံ ဘတ်ဒန်တာ) (ဓမ်မတ်-သဝန-ကာလော အယံ ဘတ်ဒန်တာ) No.4(ခွင့်တောင်း) ဘုန်းတော်အနန္တ ဂုဏ်တော်အနန္တ ကံတော်အနန္တ ဥာဏ်တော်အနန္တ တန်ခိုးတော်အနန္တ ပါရမီတော်အနန္တ မေတ္တာတော်အနန္တတို့နှင့် ပြည့်စုံတော်မူသောမြတ်စွာဘုရားရှင် ကိုယ်တော်မြတ်ကြီးဘုရား ဘုရားတပည့်တော်မသည် (လက်ရှိရောက်နေတဲ့ခုနှစ် လ ရက် အချိန်) ဤနေရာဤဋ္ဌာနတွင် မြတ်စွာဘုရားရှင်ကိုယ်တော်မြတ်ကြီး နတ်ပြည်ခြောက်ထပ်တွင် ဟောကြားတော်မူခဲ့သည့် အဘိဓမ္မာမဟာပဋ္ဌာန်းကျမ်းတော်ကြီးကို ရွတ်ဖတ်၍ မြတ်စွာဘုရားရှင်ကိုယ်တော်မြတ်ကြီးအား လေးစားကော်ရော်ပူဇော်တည်းခြင်းဟူသော ကုသိုလ်ကောင်းမှုကိုပြုလုပ်လိုပါသဖြင့် ရွတ်ဖတ်ပူဇော်ခွင့်ပေးသနားတော်မူပါရန် တရားတော်၏ပိုင်ရှင်အစစ်ဖြစ်တော်မူသော မြတ်စွာဘုရားရှင်ကိုယ်တော်မြတ်ကြီးထံမှ ခွင့်တောင်းအပ်ပါသည်အရှင်ဘုရား ခွင့်ပေးတော်မူပါအရှင်မြတ်ကြီးဘုရား No.5(တရားနာဖိတ်) အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖတ်ပူဇော်ခြင်းကိုနာကြားနိုင်သော နာကြားလိုသော အားလုံးသောစကြဝဠာအနန္တတွင်ရှိကြကုန်သော အပါယ်ဘုံသား လူ နတ် ဗြဟ္မာ သတ္တဝါအပေါင်းတို့နှင့် ဘုရားတပည့်တော်၏ ဆွေဆက်မျိုးဆက်ပဋ္ဌာန်းဆက်ဖြစ်သော ဆွေတော်မျိုးတော်အပေါင်းတို့ တရားတော်နာကြွရောက်ကြပါရန် ဖိတ်ကြားအပ်ပါသည် No.6(ဖယ်ရှား) အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖော်ပူဇော်ခြင်းကို မနာကြားနိုင်သောပုဂ္ဂိုလ်များနှင့်နတ်စိမ်းများ မာရ်နတ်၏နောက်လိုက်နောက်ပါနတ်ဆိုးများ အားလုံးတို့ဤနေရာဤဌာနနှင့် အနီးပတ်ဝန်းကျင်တွင်ရှိနေပါက ခေတ္တခဏဖယ်ရှားပေးကြပါရန်ပန်ကြားအပ်ပါ၏ ခေတ္တခဏဖယ်ရှားပေးကြပါကုန်လော့ ခေတ္တခဏဖယ်ရှားပေးကြပါကုန်လော့ ခေတ္တခဏဖယ်ရှားပေးကြပါကုန်လော့ No.7(ရွတ်ဖတ်) နမောတသသုံးကြိမ်ရွတ်ဆိုပါ။ ပစ္စယုဒ္ဒေသ အစချီ၍ ပဋ္ဌာန်းအကျဉ်းနှင့်တကွပဋ္ဌာန်းအကျယ်ကို အသံထွက်မှန်မှန်နှင့်ဖြည်းဖြည်းရွတ်ပါ No.8(ပြန်လည်ခေါ်ယူ) ဘုရားတပည့်တော်မှ ခေတ္တခဏဖယ်ရှားပေးပါရန် ပန်ကြားထားသော အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖော်ပူဇော်ခြင်းကို မနာကြားနိုင်သော ပုဂ္ဂိုလ်များနှင့်နတ်စိမ်းများ မာရ်နတ်၏နောက်လိုက်နောက်ပါနတ်ဆိုးများ အားလုံးတို့ သင်တို့၏နေရာဋ္ဌာနအသီးသီး ဘုံဗိမ္မာန်အသီးသီးတို့ပြန်လည်ကြွမြန်း၍ နေလိုကနေနိုင်ပါပြီ နေလိုကနေနိုင်ပါပြီ နေလိုကနေနိုင်ပါပြီ No.9(မေတ္တာပို့ အမျှဝေ) မေတ္တာပို့သပြီးနောက် ဤသို့ပြုရ အစချီပြီး အမျှဝေပေးပါ။ No.10(နတ်ပို့) အစ်တာဝတာ စ အမ်မှေဟိ၊ သမ်ဘတံ ပုန်ညသမ်ပဒံ သတ်ဗေ ဒေဝါ နုမောဒန်တု၊ သတ်ဗသမ်ပတ်တိ သိတ်ဓိယာ ဒါနံ ဒဒန်တု သတ်ဓာယ၊ သီလံ ရက်ခန်တု သတ်ဗဒါ ဘာဝနဘိရကာ ဟွန်တု၊ ဂစ်ဆန်တု ဒေဝတာ ဂတာ No.11(ဆုတောင်း) ယခုအခါတွင်ဘုရားတပည့်တော်မသည် တစ်လအဓိဋ္ဌာန်ရွတ်ဖတ်ပူဇော်ရာတွင် ယနေ့အဓိဋ္ဌာန်အဖြစ် မြတ်စွာဘုရားအားပူဇော်ပြီးပါပြီ ဤသစ္စာစကားကြောင့်လည်းကောင်း ဤပဋ္ဌာန်းဒေသနာတော်၏ တန်ခိုးရှိန်စော်အာနုဘော်တို့ကြောင့်လည်းကောင်း ဤပဋ္ဌာန်းဒေသနာတော်ကိုရွတ်ဆိုရသော ကောင်းမှုကုသိုလ် နာကြားရသောကောင်းမှုကုသိုလ်တို့၏ တန်ခိုးတေဇော်အာနုဘော်တို့ကြောင့် လည်းကောင်း ပဋ္ဌာန်းဒေသနာတော်ကိုရွတ်ဆိုပီးတိုင်း တပည့်တော်နှင့်ထပ်တူထပ်မျှရစေဖို့ အမျှပေးဝေရတဲ့ ကောင်းမှူကုသိုလ် ဝမ်းမြောက်နုမောသာဓုခေါ်ဆိုရတဲ့ကောင်းမှူ ကုသိုလ်တို့၏တန်ခိုးတေဇော်အာနုဘော်တို့ ကြောင့်လည်းကောင်း တပည့်တော်သည် (လိုရာဆုတခုထဲသာတလတိတိဆုတောင်းပါ) ပြည့်ရပါလို၏ဘုရား #မှတ်ရန် အဓိဋ္ဌာန်ဝင်သည့်ရက်များတွင် သက်သက်လွတ်စားနိုင်လျှင်ပိုကောင်းပါတယ် ငါးပါးသီလလုံလျှင်လည်းပိုကောင်းပါတယ် အချိန်အတိအကျနေရာအတိအကျတွင် ရွတ်နိုင်လျှင်ပိုကောင်းပါတယ် ဆုတခုမပြည့်မချင်းရွတ်လျှင်လည်းရပါသည် ကိုယ်ရွတ်ချင်သလောက် တစ်လပီးတစ်လရွတ်နိုင်ပါသည် ယုံယုံကြည်ကြည်ဖြင့်ပူဇော်ပေးပါ အကယ်လို့အဓိဌာန်မဝင်ပဲ ပဋ္ဌာန်းရွတ်ဖတ်ပူဇော်မည်ဆိုပါလျှင်လည်း No.2 နဲ့ No.11 ကိုသာဖြုတ်၍ဆိုရပါမယ် ဒါမှသာပြီးပြည့်စုံသောပဋ္ဌာန်းရွတ်ဖတ် ပူဇော်ခြင်းဖြစ်ပါလိမ့်မယ်ရှင့် အားလုံးပြီးရင် မေတ္တာသုတ်ဆက်ရွတ်ပါတယ် ဆုတောင်းမေတ္တာပို့ပေးပါတယ်နော် အားလုံးပဲ အဆင်ပြေကြပါစေ တလအဓိဋ္ဌာန်ဖြင့် ရွတ်ဖတ်ပူဇော်လိုသူမိတ်ဆွေများရှိရင် ပူဇော်နိုင်ဖို့ ကိုယ်လည်းရွတ်ဖို့ရာ ပြန်လည်ကူးယူဖော်ပြပါသည် #vews #ဒီတစ်ပုဒ်တော့fypပေါ် #နိုင်ငံခြား #fypပေါ်ရောက်စမ်း

ဗေဒင်အစီမံဆရာစိုင်းစိုင်းဟိန်း

Open In TikTok:

Region: MM

Wednesday 24 September 2025 09:39:32 GMT