@dhuuhali: In gabar Soomaaliyeed lagu tilmaamo “dhillo” aysan ahayn waa dulmi, gef, iyo xadgudub weyn oo lagula kacay sharafteeda. Islaamku wuu karaameeyay haweenka, wuxuuna khad cas oo lamataabtaan ah ka dhigay sharaftooda si aan loo fududeysan. Aayadda 4ᵃᵃᵈ ee Suuradda Al-Nuur wuxuu Alle muslimiinta ku faray in la edbiyo, oo 80 jeydal lagu dhufto qofkii gabar ku tilmaamo “dhillo” haddii uusan 4 marqaati oo caddeyn keenin. Waxaan daawaday Kowthar Buulle oo ka cabanaysa xadgudubyo ay kula kaceen askar dowladeed. Waxay si dhab ah u sii oynaysaa marka ay ka sheekeynayso in uu “dhillo” ku tilmaamay askari Soomaaliyeed oo ilaalinayay nin shisheeye ah. Gefka askariga waxaa ka sii xanuun badan oo xadgudub kale ah sida kaftanka, jeesjeeska, iyo fududeysiga ah oo ay dad badan uga falceliyeen cabashada gabadhaas oo bulshadeeda la wadaagtay gefkii lagula kacay, waxa ugu yar oo ay dadkeeda ka mudan tahayna ay yihiin in ay la damqadaan gabadhooda dhibbanaha ah ee dulmiga ka tirsanaysa askariga. Waa musiibo qaran iyo burbur akhlaaqeed oo dareen iyo naxdin leh sida ay damiirkeenna iyo dadnimadeennu u dhinteen oo ay caadi noola yihiin dulmiga iyo xadgudubka gabadha ka ooyiyay, iyo sida kaftanka iyo jeesjeeska ah ee dadku uga falceliyeen. Markii ay koox munaafiqiin ah gogoldhaafka ku nabeen Caaisha, xaaskii Nabiga ﷺ, oo ay saxaabada qaar ka qeybqaateen hadalheynta warkaas ayaa Rabbi ku canaantay in ay hadalkaas u fududeysteen, wuxuuna Aayadda 15ᵃᵃᵈ ee Al-Nuur ku yiri “Waxaad arrinkaas u maleyseen wax fudud, balse Alle agtiisa waa ku weyn yahay.”

DhuuhAli✅✍️

Open In TikTok:

Region: SO

Sunday 28 September 2025 15:35:09 GMT