Sikuwahi kupata nafasi ya kusema kwaheri si kwa namna niliyotamani. Kulikuwa na mambo mengi ambayo sikuweza kusema, hisia nyingi nilizozificha nikiamini kwamba labda muda ungeweza kutengeneza kilichovunjika. Lakini siku zikawa wiki, na kimya kikawa nafasi kati yetu. Bado najikuta nikirudi kwenye kumbukumbu, jinsi mambo yalivyokuwa nyakati ambazo kila kitu kilikuwa shwari, na hata wakati ambao nilikua bega Kwa bega pamoja na wewe ulitosha kuujaza moyo wangu furaha. Na ingawa nilijitahidi kushikilia, labda nilikuwa nashikilia taswira ya sisi ambayo pengine ni mimi tu niliyeendelea kuiamini. Labda wewe ulishaachilia kitambo, ila mimi sikUwa tayari kukubali hilo. Kulikuwa na makosa yangu hasa mambo ambayo ningependa kuyarekebisha, maneno ambayo ningependa kuyafuta, na nyakati ambazo ningependa kuzirudia na kuzipitia kwa hekima zaidi. Najuta Sio kwa sababu natarajia nafasi nyingine, bali kwa sababu ulistahili zaidi ya kile nilichokupa. Bado naomba msamaha wako, hata kimya kimya, hata kama tayari Umesonga mbele. Sijawahi kuacha kutumaini kuwa siku moja ungerudi si kukaa, bali tu kusema kuuwa umeelewa, au kwamba labda kuna sehemu ya moyo wako bado inanikumbuka. Lakini najua maisha hayaendi hivyo kila wakati. Watu wengine huja kutufundisha, kutusaidia kukua, kisha huondoka si kwa sababu hawajali tena, bali kwa sababu sehemu yao katika hadithi yetu imefika mwisho. Kwa nipo hapa, nikisema kwa ujasiri kile ambacho sikuweza kusema hapo awali: KWAHERI. Si kwa sababu nataka, bali kwa sababu ni lazima. Daima nitakuombea furaha hata kama mimi si sehemu ya furaha hiyo tena. Asante kwa upendo, kwa mafunzo, kwa kumbukumbu... na hata kwa maumivu ya moyo. Umenisaidia kuwa sehemu ya mtu niliye leo. Popote ulipo, natumaini uko salama. Na kama utanikumbuka siku moja, naomba ukumbuke mazuri zaidi kuliko mabaya.Hatimaye nimekubali kuwa hatuwezi kuwa pamoja tena. Hatuelewani kabisa. Asante kwa kila kitu. Asante kwa kunifundisha maana ya upendo na maana ya maumivu. Natumaini umbali wangu utakuletea furaha nyingi. Tafuta uhuru wako, tafuta mtu atakayekuthamini na kukutendea vyema mimi siwezi kukupa hayo. Mipango yetu ya baadaye imeshindikana.Milele hatutakutana tena. Labda tulikuwa wapenzi katika maisha mengine. Ukurasa wangu unafungwa hapa, lakini bado natamani kuona maisha yako bora na yenye furaha. Daima nitakuunga mkono na kukuombea kimya kimya. Nitakuwa na fahari nawe siku zote, hata kama mimi si sehemu ya maisha yako tena. Mungu akujalie maisha yenye furaha zaidi. Nikumiss sana. Kukosekana kwako kunaniumiza sana, lakini naweza kuvumilia. Maombi yangu yatakuwa nawe daima. AHSANTE KWA MUDA WAKO👏 - @athumanisuu