သူများတွေလို သည်းသည်းလှုပ်မချစ်ပြတက်ပေမယ့် ချစ်မြဲတိုင်းတော့ချစ်ပေးနိုင်ပါတယ်။ ရိုးအီမသွားဖို့နဲ့ ပစ်ပယ်မသွားဖို့အတွက်ကိုလဲတာဝန်ယူပါ့မယ်။ အရမ်းကြီးဂရုမစိုက်ပေးနိုင်ပေမယ့် နေ့စဥ်ပုံမှန်တော့ ဂရုစိုက်ပေးနိုင်ပါတယ်။ မပြည့်စုံတဲ့ဘဝမို့ အချစ်အတွက်လည်းကြိုးစားနေသလို ဘဝအတွက်လည်းကြိုးစားနေရတယ်။ မပိုတာပဲရှိစေရမယ် အကြင်နာတွေတော့ လျော့မသွားစေရပါဘူး။ သေသေချာချာ ရွေးချယ်ခဲ့သလို ဘဝတစ်ခုလုံးအတွက်ပါရည်ရွယ်ထားတာမို့ မင်းတယောက်ထဲပဲချစ်သွားမယ်ဆိုတာ အကြွင်းမဲ့ယုံကြည်ပေးပါ။ အများကြီးချစ်ပေးချင်တယ် အရမ်းကြီးဂရုစိုက်ပေးချင်လို့ ပြီးပြည့်စုံတဲ့ဘဝဖြစ်အောင်ကိုယ်ကြိုးစားနေပါတယ်။ အချိန်တခုအထိစောင့်ပေးပါ ကိုယ့်အပေါ် အချစ်တွေပျယ်မသွားပါနဲ့ နောက်တယောက်ကိုလဲ စိတ်တွေယိုင်မသွားပါနဲ့။ ကိုယ်တို့နှစ်ယောက်အတွက်ကြိုးစားနေတာမို့ ကိုယ်တို့နှစ်ယောက်အတူတူရှိနေကြဖို့လိုမယ် မင်းနဲ့မလွဲရဲဘူး မင်းနဲ့မခွဲရဲဘူး။ အကြိမ်ကြိမ်နာကျင်စေတဲ့အရာကတော့ ဝေးများဝေးသွားကြမလားဆိုတဲ့အတွေးပဲ ကိုယ်စိတ်ချချင်တယ် ယုံကြည်ချင်တယ်။ ကိုယ့်ဘဝဟာမင်းအတွက်ဖြစ်တည်သလို မင်းဘဝကိုလည်း ကိုယ့်အတွက်ပဲရည်ရွယ်ထားပေးပါ။ #MZW - @223558dyb