ئەبێ حاڵی دڵی خەڵکی چۆن بوبێت لەم کاتەیا💔 (وەفاتی پێغەمبەر ﷺ) پێش 3 رۆژ لە وەفاتی پێغەمبەری خوا ﷺ، ئازاری زۆر زیادی کرد، دەنگە دەنگی خەڵکی لە مزگەوت زیاتر بوو بەهۆی ئیشتیاقیان بۆ پێغەمبەری خوا ﷺ پێغەمبەر ﷺ فەرمووی: ئەوە چیە ؟ وتیان : لە حاڵی تۆ دەترسن. فەرمووی: هەڵمگرن و بمبەن بۆ لایان!، بۆئە هەڵیان گرت و چووە سەر میمبەر بەڵام کەوت ئەوە کۆتا خوتبەی بوو وە فەرمووی:ئەی خەڵکینە دیداری ئێوە لەگەڵ من دونیا نیە، لەسەر حەوزی کەوسەرە،ئەی خەڵکینە والله لێتان ناترسم فەقیر بن، بەڵکو لێتان دەترسم توشی دونیا بن و مونافەسە بکەن هەر وەکو چۆن خەڵکانی پێش ئێوە مونافەسەیان لەسەر دەکرد، وە ئێوەش لەناو بچن هەروەکو چۆن ئەوان لەناو چوون.ئەی خەڵکینە نوێژەکانتان، نوێژەکانتان، نوێژەکانتان. ئەی خەلکینە، لە خوا بترسن بەرامبەر ئافرەتان، وەسیەت ئەکەم کە باش بن بۆ ئافرەتان.الله پەناتان بدات الله بتانپارێزێت، الله سەرتان بخات، الله ڕاگیراوتان بکات، الله پالپشتیتان بکات.ئەی خەلکینە لەمنەوە سەلام بگەیەنن بە هەموو ئەوانەی شوێنم دەکەون تا قیامەت. لەو قسانە تەواو بوو هەڵیانگرتەوە بۆ ماڵی دایکە عائیشە خوا لێی ڕازی بێت.خاتوو عائیشە فەرمووی: دواتر پێغەمبەری خوا ﷺ فەرمووی: هەموویان با بچنە دەرەوە تەنیا عائیشە تۆ لێم نزیک بەوە، لەوکاتەدا سەری لەسەر سینگم بوو دەستی شل بوو بەم شێوەیە زانیم کە وەفاتی کرد. نەمدەزانی چی بکەم، هیچم پێ نەکرا تەنها چوومە دەرەوە بەو دەرگایەی کە دەچووە ناو حەرەمی مزگەوت و گوتم: پێغەمبەری خوا مرد، پێغەمبەری خوا مرد. دەڵێ لەو کاتەدا مزگەوت هەژا لەگەڵ گریانی خەڵکەکە ئەوە عەلی کوڕی ئەبی طالب لەوێ دانیشتوە و ناتوانێ بجووڵێت ئەوە عثمانی کوری عەفانە وەکو منداڵ راست و چەپی پێ بکرێ و ئۆقرەی نەبێ ئاوایە، ئەوە عومەری کوڕی خەتاب شمشێرەکەی بەرز کردۆتەوە و دەلێ ئەوەی بڵێت پێغەمبەر مردووە سەری لێدەکەمەوە، ئەیوت پێغەمبەری خوا چووە بۆ لیقای خوا هەروەک موسا چوو بۆ لیقای وە هەر کەسێک بلێ مردووە دەیکوژم.بەلام جێگیر ترینیان ئەبوبەکر بوو ڕەزای خوای لێبێت پێغەمبەری لە باوەش گرت و فەرمووی: ئەی هاورێکەم ئەی هەڵبژێردراو، ئەی خۆشەویست، ئەی پێغەمبەری خوا، وە ماچی دەکرد.پاشان فەرمووی: ژیانێکی پاک ژیای، مردنێکی جوانیش مردی.♥️ - @j4nnahh