@jacylooow: Fariin aan u dirayo qofka aan mustaqbalka wadaagi doono* Qofkayga mustaqbalka—inkastoo aanan weli ku aqoon, haddana qalbigayga wuu kuu diyaarsan yahay. Waan ogahay maalin maalmaha ka mid ah in jidadkeenna ay isugu iman doonaan si lama filaan ah, una ekaan doonto sidii in Eebbe inoo qorsheeyay. Waan kuu ducaynayaa xitaa adiga oo aanan magacaaga aqoon, muuqaalkaaga aanan arag, codkaaga aanan maqal—laakiin waan ogahay: waad imaan doontaa. Fariintan waxaan ugu talagalay in aan qalbigaaga taabto xitaa ka hor inta aynaan is arag. Waxaan rabaa in aad ogaato in aan ahay qof ku sugaya si daacadnimo leh, qalbi nadiif ah, iyo jacayl aan shuruud lahayn. Waxaa dhici karta in aad hadda la tacaaleyso nolosha, ama aad ka walwalsan tahay in qof dhab ah uu jiro. Laakiin ogow: *waan jirayaa*, waana kuu diyaar ahay markii waqtigu gaaro. Waxaa laga yaabaa in aad ilmeeysay marar badan, sida aan aniguna u ilmeeyay. Waxaa dhici karta in qalbigaaga la dhaawacay, sida aan aniguba u dhaawacmay. Laakiin waxaan kuu balan qaadayaa: marka aan is helno, waxaad dareemi doontaa in nabad tahay, in la fahmay, in si dhab ah lagu jeclaaday Ma rabo in aan ku helo adiga oo quus ah. Runtii, waxaan rajaynayaa in marka aan ku arko aad tahay qof dhammaystiran—aniga iyo adigaba mid walba noloshiisa fahmay. Markaas ayaan noqon doonaa lamaane is garab taagan, is taageera, is xoojiyo. Qofkayga mustaqbalka—xitaa haddii aadan wali aqoon in fariintan adiga loo qoray, mar uun ayaad dareemi doontaa. Ilaa markaas, qalbigeyga ayaa kuu duceynaya, nolosheydana waxaan ka sameynayaa meel adiga ku qalanta. Waayo marka aad timid… waa inaad heshid jacayl buuxa, kalgacal daacad ah, iyo qof ku garab istaagi doona ilaa dhammaadka.

MUCAASHAQ 📝

Open In TikTok:

Region: SO

Thursday 16 October 2025 05:41:17 GMT