@mecamedia123: 🇹🇿 Shule zote kufungwa katika kambi za wakimbizi Nyarugusu na Nduta – Serikali yashinikiza wakimbizi wa Burundi kurejea nyumbani Serikali ya Tanzania, kwa kushirikiana na Shirika la Kuhudumia Wakimbizi Duniani (UNHCR), imetangaza kufungwa kwa shule zote za Msingi na Sekondari katika kambi za wakimbizi za Nyarugusu na Nduta. Uamuzi huu unalenga kuharakisha mpango wa kuwarejesha wakimbizi wa Burundi nchini kwao kufikia Juni 2026, kufuatia tathmini inayodai kuwa hali ya usalama na amani imeimarika nchini Burundi. Kwa mujibu wa taarifa zilizothibitishwa na MecaMedia Africa, zaidi ya wakimbizi 100,000 wanatarajiwa kufutiwa hadhi ya ukimbizi ikiwa hawatakubali kurejea kwa hiari kabla ya muda uliowekwa. Serikali imesisitiza kuwa hatua hii ni sehemu ya mpango wa kurejesha wakimbizi kwa heshima na usalama, huku ikiahidi msaada wa kimataifa katika mchakato huo. Hata hivyo, baadhi ya mashirika ya haki za binadamu yameelezea wasiwasi kuhusu mustakabali wa elimu ya watoto wakimbizi, wakihimiza suluhu za kibinadamu zinazoendana na haki za msingi za binadamu. ✍️ Mwandishi: Mangwa – MecaMedia Africa 📖 Soma zaidi kwenye: www.mecamediaafrica.com #Tanzania #Burundi #Wakimbizi #Nyarugusu #Nduta

Mecamedia

Open In TikTok:

Region: US

Saturday 18 October 2025 01:44:35 GMT