@tekmapdhamma: គេចអ្វីគេចបានឋានវឹកវរ គេចពីបាបធម៌ពីបាបមិត្ត តែកុំគេចភ្លេចពីការពិត សតិជាមិត្តថែចិត្តស្ងប់ ។ ថែចិត្តតែមួយជួយខ្លួនឯង ទ្រង់ត្រាស់សម្ដែងថែគ្រប់សព្វ ថែចិត្តអាត្មាមិនទាស់គាប់ ប្រសព្វសុខធំបរមនិព្វាន ៕៚ អត់ទ្រាំឲ្យបានសន្ដានមនុស្សខ្លះ ដឹងឲ្យបានច្បាស់លោកនេះប្រែប្រួល មានឲ្យច្រើនពិតទឹកចិត្តស្រួលបួល ផ្ដេកផ្ដួលជីវិតទុកចិត្តលើបុណ្យ ។ ឲ្យដោយស្ម័គ្រស្មោះអនុគ្រោះអភ័យ រឭកលុះក្ស័យស្មារតីដឹងគុណ រក្សាសារៈសច្ចៈជាទុន ឈប់ទូលរែកពុនរឿងអ្នកដទៃ ។ សន្ដោសសុខល្មមយល់ព្រមតាមបុណ្យ ជឿជាក់លើគុណពុទ្ធមន្តប្រពៃ ជឿបុណ្យខ្លួនឯងមិនជែងជោគជ័យ ជឿបុណ្យវិនិច្ឆ័យម្ដេចក្ដីក៏ព្រម ៕៚ លោកនៃជីវិតចិត្តយើងជ្រើស បើចិត្តយើងទើសលោកចង្អៀត បើចិត្តមេត្តាលោកស្រស់ស្អាត ពេញដោយធម្មញាតិមិនខាតមិត្ត ។ • បើចិត្តគិតតែពីខ្លួនឯង លោកយើងប្រជែងមិនក្រែងចិត្ត បើយើងអើពើចិត្តអាណិត លោកយើងរស់ស្និទ្ធមិនគិតជែង ។ • បើចិត្តលោភលន់លោកយើងខ្វះ ទាំងហួងហែងណាស់ឆេះហុយផ្សែង បើចិត្តល្មមស្កប់ទ្រព្យក្រៃលែង លោកយើងកោតក្រែងស្វែងទីពឹង ។ • បើចិត្តមិនស្ងប់ស្អប់គ្នាន់ក្នាញ់ លោកនេះពោរពេញដោយរឿងខឹង បើចិត្តសុខស្ងប់ដោយញាណដឹង លោកហ្នឹង អ៊ីចឹង « តថតា » ។ @. ចង់បានលោករស់នៅដូចម្ដេច កុំភ្លេចធ្វើចិត្តតាមប្រាថ្នា តែលោកបរមត្ថ គ្មានអត្តា ដឹងដោយបរិញ្ញា បរិនិព្វាន.៕៚ " កាមេហិ លោកម្ហិ ន ហត្ថិ តិត្តិ " ការឆ្អែតដោយកាមទាំងឡាយក្នុងលោក មិនមាន! #ព្រះធម៌ #សិក្សាព្រះធម៌ #ព្រះត្រៃបិដក #សិក្សាព្រះត្រៃបិដក #ព្រះអដ្ឋកថា ប៊ុត សាវង្ស🙏💖🥀 - Dhamma Home 👏🏻 Tek Map Dhamma ឧបាសក តឹក ម៉ាប់ ━━━━━༻❀༺━━━━━