(2) زرعت اسمي بدرب ريحك زمان الخوف ... والذله وعذابات السبي ها كثر خرسه مفاتيحك ولا باب اليطر الليل .. مضوي يبشر ذنوبك لفه الطوفان ياحيرة زمن مشبوح بين الموت ولأنسان ياوحشة عمر سهران بالهم ... والبچي وانتَ واگف بأخر الدنيه نبي انتَ واگف ... والزمن مذبوح مذبوح الوكت مذبوح ياروحي وبعد بيج المذّله تنوح محفوره الدنيه بروحي سكته..وليل يلبسني التعب .... والليل بچه بدمي العراق وترس بيّ الليل سكت بيّ الضمير ودنگت وحشه وهظيمه الخيل اذبح سكته أيامي يطگ ميّة نبع بالروح يلعب نبع ويه الروح ويذبني بدربكم صف عشگ وأزهار أنبت للحزن أشجار . يمر بيها الگمر يغسلها بالوحشه لذيذ الگمر بالوحشه صديق الگمر بالوحشه يهلبت واهس بروحي يجيبك يوم جا هوّ المفارگ دوم مر ليلة مطر بالنوم من بيّ سوالف .. مر ليالي .. مر عشب من بيّ ولو بس إنت تلگاني حزن واسرار أصلي بكل مسامه تگوم بيّ النار أصلي بكل مسامه يخضّر البسمار تاخذني صلاتك شوف وأتباهه سفن وانهار واظل مشبوح بدروبك صليب وعاشگ وبسمار ...................... القديس_علي_الشُباني (2) من قصيدة(بيان للزمن المذبوح) (من ديوان أيام الشمس) (مًن يبق حياً يتعذب) (مظفر_النواب)#fyp - @229.i