‎ፊቷን አይቼ አንቺ ግን ደህና ነሽ ? ስል በመፍራት ጠየቅኋት። ‎ ‎«... ምንም እንኳን ህመም እየተሰማኝ ቢሆንም ለስሜቴ በቂ ትኩረት አልሰጠሁም። በቀላሉ ከመደሰት ይልቅ ሀዘን፣ ጭንቀትና ጫና የበዛበትን ስሜት እየታገስኩ መኖር ከጀመርኩ ከወር በላይ ሆኖኛል። ‎ ‎አንዳንድ ሰዎች ውጥረት ውስጥ እንዳለሁ ቢመለከቱም ብዙዎች ግን ተረጋግቼ በጥሩ ሁኔታ ስራየን እየሰራሁ እንደሆነ ያስባሉ። ‎ ‎ላለፉት ሳምንታት ለማንም ምንም አይነት ስሜት አላሳየሁም። ከውስጤ የሆነ ነገር እንደጠፋ ማንም አላስተዋለም። ‎ ‎አዕምሮየ ሙሉ በሙሉ ምስቅልቅል ውስጥ ስለሆነ የማስበው ሁሉ እየጠፋ እንደሆነ የሚመስለኝ ጊዜ አለ። ሁሉም የሰውነት ክፍሌን የሚያመኝ የሚመስለኝ አንዳንድ ቀን አለ። ‎ ‎እራሴን ከማስታመምና ከማበረታታት ይልቅ ሌሎችን ለማስቀደምና እነሱን ለማፅናናት እሞክራለሁ። ብቸኝነት የሚሰማኝ ጊዜ አለ ነገር ግን ስሜቴን ችላ ብየ ስራየን እሰራለሁ። ‎ ‎ጭንቅላቴ ውስጥ ምንም አይነት ችግር እንደሌለብኝ አስመስላለሁ። ለምን እንደማደርገው አላውቅም ግን ዝም ብዬ እራሴን ከአቅሜ በላይ እገፋለሁ። ‎ ‎የድባቴና የፍርሃት ስሜት በተሰማኝ ቁጥር ዝም ብዬ ችላ እለውና ስራዬን እቀጥላለሁ። ደህና እንዳልሆንኩ እየተሰማኝ ውስጤን ችላ እላለሁ። ‎ ‎አሁን አሁን ግን ከራሴ ጋር ከባድ ጦርነት ገጥሜያለሁ። ‎ ‎ላለፉት ሳምንታት ለስሜቴ ትኩረት ሳልሰጥ ሁሉንም ነገር ማስተናገድ እንደምችል አስብ ስለነበር ችላ ያልኳቸው ከባድ ስሜቶች ሁሉ አሁን ሙሉ በሙሉ እንደጎዱኝ ይሰማኛል። ‎ ‎አሁን አሁን የደበቅሁትን ስሜቴን ብቻየን ለመሸከም በጣም ከባድ እንደሆነ ይሰማኛል። በጣም የተጎጂነት ስሜት ይሰማኛል። አሁን አሁን የምር የሀዘን ስሜት ይሰማኛል። ‎ ‎አዎ ዛሬ ደህና እንዳልሆንኩ ለራሴ አምኛለሁ !!» ‎ ‎. ‎. ‎. ‎ይሄን ሁሉ ስታወራልኝ በዕንባ ጤዛ የረጠቡ ዐይኗቿን ማየት ከብዶኝ ነበር። ‎ ‎ብቻ ግን የሚሰማትን አውርታልኝ ስተጨርስ እፎይ ማለቷን አስታውሳለሁ። ‎ - @mame7877