እቲ ለባም ፡ ሰብኣይ ንሰበይቱ ዝሃባ ምኽሪ‼️ ✍️ፍቕረይ ካብ ሎሚ ንድሓር ንስኺ ንዓይ ናይ ምንባረይ ትርጉም ኢኺ ❤️ካብ ሎሚ ኣብ ሞንጎይን ኣብ ሞንጎኽን ዝኾነ ዓይነት ምስጢር የሎን ፡ ሕብእብእ ዝባሃል የሎን። ❤️ፍትውተይ ቀደም ንእሽቶይ ኔረ ፡ ሕጂውን ህፃን ክኸውን እየ ፣ትዝ ይብለኒ ህፃን ከለኹ ምግቢ በሊዐ ድየ ወይስ ጠምየ ተኾይነ ትፈልጥ ኣደይ ወላዲተይ እያ ኔራ ፡ ንጉሆ ካብ ድቃሰይ ተበራብረኒ ኣደይ እያ ኔራ ። ካብ ገዛ ቅድሚ ምውጽአይ ዝስተኻኸል ነገራት ኣስተኻኺላ ፡ ዝጎደለኒ መሊኣ ተፋንወኒ ኣደይ ያ ኔራ ። ካብ ሕጂ ግና ኣደይ ንስኺ ኢኺ ። 👉 ካብ ሕጂ ናተይ ድኹም ጎኒ ትፈልጥ ካልእ ኣደ የብለይን ካብ ሕጂ ጥሜተይን ጽምአይን ትፈልጠለይ ካልእ ኣደ የብለይን ። ሪኢኺ ፍቕረይ ፡ ቆልዓ ከለኹ ፡ ዝኾንክዎ ኩሉ ዘጋጠመኒ ፡ መጽየ ንኣደይ እየ ዝነግራ ኔረ ፡ ንሳ ድማ ምስጢረይ ንዝኾነ ሰብ ነጊራትለይ ኣይትፈልጥን ስለዚ ሕጂ ድማ ኣደይ ንስኺ ኢኺ ፡ ምስጢረይ ዝነግረኪ ንዓኺ ጥራይ እየ ። 👉ንዝኾነ ሰብ ምስጢረይ ኣይትንገሪ ፡ ቆልዓ ከለኹ ብዙሕ ነገራት ፈጺመ እየ ናይ ነገር ቆልዓ፡ ኣደይ ድማ ንግዚኡ ትቑጣዓኒ ግን ምቑጣዓ ንግዚኡ እዩ ፡ ቀልጢፋ ሕድገት ትገብረለይ ሞ ፡ እንዳሰሓቐት እዚ ወደይ ከምዚ ኣይትግበር ኢላ ቀስ ኢላ ትምዕደኒ ። 👉ፍቕረይ ምናልባት ንዓኺ ውን ከኾርየኪ ይኽእል እየ በጃኺ ግን ቂምታ ኣይትሓዚ ጥፍኣተይ ፡ ጉድለተይ ግን ሪኢኺ ሱቕ ኣይትበሊ ምኽሪ ሃብኒ ፡ ኣነ ድማ ተቐባሊ ምኽሪ እየ ። መዓረይ ፡ ናብቲ ምውቕ ፡ ናይ ዓራት ጸወታና ቅድሚ ምኻድና ፡ ደጊመ ደጋጊመ ዝመኽረኪ ነገር እንተሃልዩ ፡ ናይ ሰብ ዘረባ ብፍጹም እዝኒ ኣይትሃብዮ፡ ንስኺ ንገዛኺ መሲልኪ ጥራይ ኪዲ ካብ ሕጂ ንድሓር ፡ ንዓኺ ካባይ ዝቐርብ ሰብ የብልክን ፡ ኣነ ኣካልኪ እየ ።ንስድራና ውን ይኹኑ ፡ ብናተይን ብናትክን ስምምዕ ፡ ሓገዛት እንተሃልዩ ንሕግዞም ፡ ተዘይኮይኑ ፡ ንሶም ኣብ ሞንጎና ክኣትው ክንፈቕደሎም የብልናን ፡ እቲ ምንታይ ቃል ኣምላኽ ውን ከምዚ እዩ ዝብል ዘፍጥረት 2 24፤ ስለዚ ሰብኣይ ኣቦኡን ኣዲኡን ይሓድግ፡ ምስ ሰበይቱ ኸኣ ይጠብቕ። ሓደ ስጋ ድማ ይዀኑ። ፍቕረይ ናይ ብዙሓት ሰባት ሓዳር ዝፈርስ ፡ ናይ ቤተሰብ ጉዳይ ምእታውን ፡ ናይ ጎረቤት ነገር ምርኣይን ፡ ዓርከ መሓዛ ምብዛሕን እዩ ። ስለዚ ነዞም ኩሎም ዝበልኩኺ ፡ ሓልውዮም ፡ ኣነ ድማ ኣብ ቅድሚ ፈጣሪ ቃል ይኣትወልኪ ከም ኣቦኺ ክንከባኸበኪ ፡ ወትሩ ጎዶሎኺ ክምልእ ፡ ኣብ ጎንኺ ደው ክብል እየ ። ልዕሊ ዝኾነ ድማ ንሰበይተይ ንደቀይ ዝብል ሰብኣይ ክኾነልኪ ቃል ይኣቱ ።#ኤርትራንኤሪትራዊያን🇪🇷🇪🇷🇪🇷🇪🇷 #ሓበሻ_ቲክቶክ #ሓበሻ_ቲክቶክ🇪🇷🇪🇷☘🌿🇪🇷🌿🌿🌿 #ሓበሻ #__tiktokindia - @tomuwedi123