@sa760255: ‏ودنا نلحق على العمر ونْعيشه ‏مانوت سلمى تغنّي وتنعشنا ‏عن لذيذ العيش نركض ورا العيشه ‏واشغلتنا لقمة العيش ماعشنا ‏كم سبقنا في الصباح ومغابيشه ‏نور شمسه قبل توصل درايشنا ‏ان ركبنا البحر صرنا طواويشه ‏وان ضربنا البر ماهو بمبلشنا ‏يوم نسرح ماعلى روسنا ريشه ‏ويوم نطمع حدّنا مايعيّشنا ‏في رجا عيدٍ شرينا دشاديشه ‏وانتظرناه وبقى العيد واحشنا ‏كل ماحشنا لنا خوش تحويشه ‏طشّت وْجيه المواجيب ماحشنا ‏كل حوشٍ لا ذكرنا دراويشه ‏كنّ صيحات العذارى تشوّشنا ‏وان جهل جلّاب تمره على" بيشه" ‏جهله بْتاريخنا مايهمّشنا ‏وان تعدَّى الحظ مااروى معاطيشه ‏يكفي اللي مع هلِ الطيب حوّشنا ‏طار منا اللي سواده كسا ريشه ‏واقتفاه اللي بوضْحه تناوشنا ‏ماهقينا الخافق يْشيب من طيشه ‏لين فعلاً مابقى شي يدهشنا ‏العمر دربٍ عثر في مطاريشه ‏عقَل عاقلنا قبل طيش طايشنا ‏والعمر رقمٍ من الصعب تطنيشه ‏كن صوته كل مازاد يدوشنا ‏والحنين وضرّنا كثر تنبيشه ‏والحسوف ومابقىَ الّا تعرّشنا ‏آه ياسلمى متى العمر بنْعيشه ‏وش بنا عشنا وشفنا ولا عشنا ‏- ناصر القحطاني

359

There are no more comments for this video.

To see more videos from user @sa760255, please go to the Tikwm homepage.