ፀፀት 💔 እኔ የ34 ዓመት ሴት ነኝ። ከቀድሞ ባለቤቴ ጋር ስድስት የትዳር ዓመታትን አሳልፌያለሁ መልካም ዓመታት ነበሩ:: ከመጋባታችን በፊት ምርጥ ጓደኛሞች ነበርን ቀስ በቀስ ተዋደድንመዋደዱ ወደፍቅር አደገ:: የዩንቨርስቲ ትምህርቱን እስኪጨርስ ታገስኩት:: ሥራ እስኪያገኝ ድረስ ጠበቅኩት። ቤተሰቦቻችን ግንኙነታችን አወቁ፤ መጀመሪያ ላይ የእኔ ቤተሰቦች ቢቃወሙም እስከህይወቴ ፍጻሜ የግሌ ይሆናል ብዬ ካመንኩት ፍቅረኛዬ መለየት አልቻሉም። ፈጣሪ ሲፈቅድ ሁሉም ነገር ተሟልቶ ተጋባን። የሚያምር ወንድ ልጅም ወለድን። አሁን የሰባት ዓመት ልጅ ነው። ባሌ በጣም ጥሩ ሰው ነበር፤ ቤቱን፣ ሚስቱንና ልጁን የሚወድ የትዳር አጋሬ ነበር። ምንም እንኳን አንዳንድ ጊዜ 'ቱግ' ባይ ቢሆንም ወዲያው ይቀዘቅዝ ነበር። ይሁን እንጂ ልጅ ከተወለደ በኋላ እውነተኛው ችግራችን መጉላት ጀመረ። ልጅ መያዝ፣ ማጠብ፣ መመገብ . . . የእኔ ስራ አደረገው። ልጁን ለመንከባከብ ራሴን አለመጠበቄ እንደመቆሸሽ ይቆጥረው ጀመር። የሚደክመኝ አይመስለውም። በዚህ ምክንያት በተጨቃጨቅን ቁጥር ሻንጣዬን ጠቅልዬ ወደ ቤተሰቦቼ እሮጣለሁ። እህቶቼ ይደውሉና ይጮሁበታል። ካልተንከባከብካት "እንፈልጋታለን" ይሉታል፤ ጭራሽ እንደማልመለስ ያስፈራሩታል። 'ከፈለግክ ፍታት" እያሉ ያዋክቡታል። እኔ ግን የእውነት ፍቺ አልፈልግም ነበር። ያም ሆኖ በእህቶቼ መከታነት በኩራት ተሞልቼ ነበር። ደካማና ተሸናፊ መስዬ መታየት ፈጽሞ አልፈለግኩም። አንድ ቀን በጣም ከልክ በላይ ገፋሁት። መታኝና በሩን ዘጋሁበት። ሶፋ ላይ ተደግፎ አደረ:: በማግስቱ በጠዋት ወደ ቤተሰቤ ሮጥኩኝ፣ ነገርኳቸው፤ ሁሉም ሰው እኔ ተጎጂ እንደሆንኩ አመነ። እህቶቼ ተሯሩጠው አሳሰሩት። እውነታው ግን ባለቤቴን በስሜት ስጎዳው የነበርኩት እኔ ነበርኩ። እሱ ፈጽሞ ጠበኛ አልነበረም። ከሁለት ቀናት እስር በኋላ ሽማግሌዎች ልኮ ይቅርታ ጠየቀኝ፤ ክሱን አነሳሁለት፤ ሲወጣ ቤተሰቤ ፊት ተንበርክኮ እያንባ ዳግም ይቅርታ ጠየቀኝ። ታርቀን ተያይዘን ወደቤት ሄድን። ከሶስት ወራ በኋላ እንደገና ትንሽ አለመግባባት ተፈጠረ፤ እንደተለመደው ልብሶቼን ጠቅልዬ ወጣሁ። ከሁለት ቀናት በኋላ ሆስፒታል እንደገባ የሚገልጽ ስልክ ደረሰኝ። ቤተሰቦቼ እንዳልሄድ ከለከሉኝ፤ “ተስፋ የቆረጥሽ ይመስለዋል፤ ይኮራብሻል” አሉኝ። ለአንድ ሳምንት ሆስፒታል ቆየ። ሲወጣ መጥቶ ይቅርታ ይጠይቃል ብዬ ስጠብቅ ቀረ። ሁለት ሳምንታት አለፉ። በጣም ናፈቀኝ። ቤቴ መመለስ በጣም ፈለግኩ። ልጄም አባቴ እያለ ቁም ስቅሌን አሳጣኝ። ሆኖም ቤተሰቦቼ በተለይም እህቶቼ ስንት በደል እንደደረሰብኝ ነግሬያቸው ይቅርታ ሳይጠይቅ መሄዱ በጣም ከበደኝ። ከዛሬ ነገ ሽማግሌ ይልካል ወይም መጥቶ ይቅርታ ይጠይቃል ብዬ ስጠብቅ 21 ቀናት ተቆጠሩ:: በ21ኛው ረፋድ የፍርድ ቤት የፍቺ ጥሪ ወረቀት ደረሰኝ። ፈጽሞ አላመንኩም:: አሁንም ሀሳቡን እንደሚቀይር ተስፋ አደረግኩ:: ግን ኩራቴ “አትለምኚው፤ አትሸነፊ” አለኝ። እናም ለመፋታት ፈቃደኝነቴን ላኩለት። የፍርድ ቤት ቀጠሮ ከመድረሱ በፊት ንብረት መካፈል እንደምፈልግ መልእክት ላኩለት። ምንም መልስ አልሰጠኝም። "ንብረት ጥላልኝ ትሄዳለች፤ ሌላ አገባበታለሁ" ብሎ እንዳያስብና የፍቺ ጥያቄውን እንዲተው ነበር ይሄን ያደረግኩት። መልስ አለመስጠቱ "ትተውልኛለች" ብሎ አስቦ ሊሆን እንደሚችል የነበረኝን ግምት አጠናከረልኝ። ስለሆነም በፍርድ ቀጠሮው ቀን እንደትልቅ አጀንዳ ይዤው የቀረብኩት የጋራ ንብረታችን ድርሻ እንዲሰጠኝ ነበር። ዳኛው በንብረት ላይ አስተያየት ሲጠይቁት “አንድ ላይ ያፈራነው የጋራ ንብረት ሁሉ መካፈል አልፈልግም። ሁሉም ነገር ለብቻዋ ትውሰድ፤ እኔ የምፈልገው ልብሴንና ሰላሜን ብቻ ነው” አላቸው። ያ ቀን ሀምሌ 16/2014 ነበር፤ ፍርድ ቤቱ በሽምግልና እንድንታረቅ እድል ቢሰጠንም ፍቃደኛ አልነበረም። እኔም መሸነፍን በፍጹም አልፈለግኩም። ከሁለት ወራት በኋላ የፊቺ ሂደቱ ተጠናቅቆ የጋብቻ ወረቀታችን ተቀደደ። የትዳር ህይወቴ ተቀደደ። አሁን እሱ ድጋሚ አግብቶ አንድ ልጅ ወልዷል። እኔ ግንፊቱን በብቸኝነት እየተንገዳገድኩ ነው፤ እንድፋታ ሲያበረታታኝ የነበረው ቤተሰብ አዙሯል:: በተለይም እህቶቼ መልሰው እኔን ያሙኛል፤ አያከብሩኝም። እናቴም ከእኔ ይልቅ ታናናሾቼን ነው የምታከብረው:: ሁሉም በተሳሳተ ምክር ከጥሩ ባሌ ነጥለው ባዶ አደረጉኝ። ቤቴንና ትዳሬን እንዲያፈርሱ ፈቅጄ በቁጭት እሳት እየተለበለብኩኝ ነው። የተረፈኝ ፀፀትና ልጄ ብቻ ነው። አንዳአንዴ የጋብቻ ፎቶዬን እያየሁ አለቅሳለሁ፤ ሳላስበው ልጄን አስለቅሰዋለሁ። እህቶቼ ከእኔ ተማሩ።🙏 #ኦርቶዶክስ_ተዋህዶ_ፀንታ_ለዘለዓለም_ትኑር✝️❤ #yppppppppppppppppppppppp #ethiopian_tik_tok🇪🇹 #ethiopia - @tigstawek4