@jacylooow: Waxaad ahayd boqorad uu Eebbe ku abuuray iftiin, asluuub iyo naxariis aan la qiyaasi karin. Qalbi nadiif ah ayaad lahayd, hadalkaaga deggan iyo dabeecaddaada dabacsanna waxay ahaayeen waxyaabihii qof kasta kugu jeclayn jiray. Waxaan marar badan is iri: “Qofkan ma adduunkaan baa lagu arkay mise waa hibo samada ka timid?” Waqtigu waa macallin adag. Mararka qaar wuxuu ina barayaa casharro aan rabno iyo kuwo aynaan diyaar u ahayn. Wuu inaga qosliyaa, wuu inaga ooysiyaa, marna wuu naga qaadaa dadka aynu u aragnay laf-dhabarka nolosheena. Sidan oo kale ayuu adigana inoo kala qaaday, adiga oo markaas iga ahaan jiray farxad iyo deganaan, maanta se aad noqotay xusuus iyo duruufo igu dhaafay. Run ahaantii, waan ku waayay. Waan ku callan waayay. Waxaan ogaaday in qof aan la filayn uu noqon karo qof aan la iloobi karin. Balse maya, kama xuma sidii ay wax u dhaceen. Aduunku wuxuu leeyahay socod iyo kala durugsanaan aan la joogsan karin. Qofku mar walba ma haysto waxa uu jeclaado, laakiin wuxuu barta in uu aqbalo waxa Eebbe u qoray. Waxaan is iri mararka qaar: "Haddii jidkeenu kala baxay, malaha waxaa jiray meel ka wanaagsan oo adiga kuu diyaarsan." Nolosha kuma waaro ciil, kuma waaro murugo, mana joogto dhaawaca qalbiga. Wax kastoo inaga jabiya waxay noqon karaan albaab noo furma berrito. Marka waxaan ku leeyahay eray aan ka soo qaatay waxa qalbigeyga ugu runta badan: Ciil lagu waari maayo… cawo iyo nasiib baa jira. Waxaad ceeshi doontaa calafka Eebbe kuu qoray. Qof kuu qalmo, kuu qiimeeya, oo sidaad tahay kuu arka wuu imaan doonaa. Sida roobka oo kale, qof kastaa wuxuu leeyahay waqti uu ku soo degi doono. Mararka qaar roobku wuu daaho, laakiin markuu yimaado wuxuu bi’iyaa harraad badan oo muddaba socday. Adiguna waxaad tahay boqorad aan waqtigu qiimaheeda qaadin. Meel kasta oo aad tagto, iftiin ayaad qaadi doontaa. Qof walba oo ku taabtaa, xitaa haddii uu kaa tago, wax ayuu kaa bartaa. Marna ha u qaadan lumitaan, ee u qaado hibo. Marna ha u qaadan dhamaad, ee u qaado bilow cusub. Maxaa yeelay, qalbi wanaagsan meel wanaagsan buu ku nasanayaa.

Mᵾcaashaꝗ 🦕🇮🇹

Open In TikTok:

Region: SO

Saturday 22 November 2025 10:43:22 GMT