@haaruunalxakiimi2: Waxay dhahaan, arwaaxdu waxay kulmeen markii la abuurey, markaas ayey is gacloodeen, is garabsadeen oo goob qura wada joogsadeen. Waxaan shaki ku jirin in abuurkooda kadib arwaax badan kala lumeen-nolol iyo geeriba. Tiiyoo ay jirto in ay haystaan fursado ay dib ugu midoobi doonaan maqanta iyo jiraalkaba. Marar badan ayey isku arkaan magaalooyinka, maqaaxiyaha, madxafyada, moolalka ama maktabadaha. Marar badan ayey si cod dheer u raadiyaan qofkooga maqan oo kaligood ku qayliyaan; Qofteydiiyeey/kiiyoow ku mee? Ama sidii Bruno Mars rajeeyaan in sidiisa cidda uu baadigoobayo xiddigaha u daawato oo; "In hopes you're on the other side talking to me too" ku calaacalaa. Marar badan ayey saddarro qoraan, maansooyin tidcaan oo eraygooda ugu fiican ku abqaalaan farshaxan qurxoon, haddana jawaabtoodu waxay noqotaa WAXBA! Ma joojiyaan dedaalka ay ugu jiraan "HELIDDA" ruuxdooda luntey, si la mid ahna dhankeeda kaga silcaysa waayaha nololeed ee qarriban. Ergooyin ayey dirsadaan oo dhuunta hoobal ayey ku gudbiyaan farriintooda daahson, maankoodana ka guuxaysa, ugu danbeynna ku hungoobaan. Wixii ay u hureen naftooda ayey helaan mar ay harraad la liitaan, kolkaas ayey siddii ilmo diin daymada ku koriyaan, illaa qofkaas ay u arkaan in uu buuxin karo, yahayna badhkii awdi lahaa barta bannaan. Marka ay gartaan, yaqiintooduna gaarto in ay yihiin heer ay aaminaan qofkan kale in uu yahay qaybtii maqneyd ayey isku duubaan, si xoog lehna laabtooda ugu cadaadiyaan, sidii ilmo yar oo ka qalooday adduunkii ku xeerna ee hooyaddiis iyo isaga ku kala dhexjirey. Adiga iyo anigu, haddii aan wadaagno jacaylka qaxwaha, sheekadeenuna ku wareegayso xayndaab aan jeclaysaneyno in aysan ka bixin; haddii aan gacloonayno in qofkeen kan kale ka dhagaysto waxa laabtiisa huursan, haddii aan jeclaaneyno falanqaynta sadarrada aan ku aragnay buug aynu wada akhrinay, haddii erayadu si isku mid ah u saameyaan dareenkeenna gudeed, haddii erayga suugaan ahi isku si ugu daabacan yahay laabaheenna, haddii gooniyoobidda iyo kalinimadu tahay waxa micnaha u samaynaya jiraalkeenna, haddii aynu wada farxayno marka aan aragno farshaxankii Vicente Van Gogh, miyeynu kala lunney, dabadeedna dib u KULANNEY? #vyp #jacayl #soomalitiktok #foryou #fyp

H.ALHAKIIMI

Open In TikTok:

Region: SO

Saturday 22 November 2025 15:39:20 GMT