@a.gu.gun: "Happy brithday to me" မိသားစုမှာ အငယ်ဆုံးဆိုတဲ့သူတွေ အရွယ်ရောက်လာကြတဲ့အခါ သူတို့လေးတွေမှာ မျက်လုံးမှိုတ်လိုက်တိုင်း ဝင်လာတဲ့အတွေးတစ်ခုရှိတယ်။ ပထမ လောကကြီးအကြောင်းကို သိပ်မသိသေးတဲ့အရွယ်မှာတော့ ဘာအပူပင်အခက်တွေမှမရှိခဲ့ကြဘူး။ အဲ့အချိန်မှာဆို အထက်ကအကြီးတွေဟာ အကိုကြီးရင် အဖအရာ ၊ အမကြီးရင် အမိအရာ ဆိုတဲ့အတိုင်း မိသားစုတစ်ခုလုံး ဝမ်းရေးအတွက် သူတို့ရဲ့ရည်မှန်းချက်တွေကိုနောက်မှာထားပြီး အောက်က လူတွေထမင်းမငတ်ဖို့ကို ကြိုးစားပေးခဲ့ကြတယ်။ အဲ့အချိန်မှာတော့ အငယ်ဆုံးလေးတွေကတော့ ဘဝမှာ ပေါ့ပေါ့ပါးပါး ပျော်လို့ကောင်းတုန်း ရင်ခုန်လို့ကောင်းတုန်းပေါ့။ နောက်ဆုံး အကြီးဆုံးတွေဟာ သီးချိန် ပွင့်ချိန်တန်ပြီး အိမ်ထောင်တွေကျသွားကြတဲ့အခါမှာတော့ မိသားစုတာဝန်တစ်ခုလုံးဟာ အငယ်ဆုံးတွေရဲ့ပခုံးပေါ်ရောက်လာကြပါတော့တယ်။ အဲ့အချိန်မှာ အငယ်ဆုံးဆိုတဲ့သူတွေဟာ Challenge ( စိန်ခေါ်မှု ) ကြီးကြီးမားမားတစ်ခုကို ရင်ဆိုင်ရပါတော့တယ်။ အထက်က အကြီးဆုံးတွေကတော့ ဝမ်းရေးအတွက် တာဝန်ကျေပေးခဲ့ကြပြီးတော့အငယ်ဆုံးတွေရဲ့တာဝန်ကတော့ မိသားစုတစ်ခုလုံးကို ပြောင်းလဲပေးဖို့တာဝန်ဖြစ်လာခဲ့ပါတယ်။ အဲ့အချိန်မှာ အငယ်ဆုံးဆိုတဲ့သူတွေဟာ မျက်လုံးမှိုတ်လိုက်ချိန်တိုင်းမှာ ဝင်လာတဲ့အတွေးတစ်ခုက ဒီမိသားစုကို ဒီလိုဘဝကနေ ငါကိုယ်တိုင် ပြောင်းလဲပေးနိုင်ရမယ်ဆိုတာပါပဲ။ ငါမပြောင်းလဲပေးနိုင်ရင် ဘယ်သူတစ်ဦးတစ်ယောက်ကမှ လာပြီးပြောင်းလဲပေးဖို့ရန်မရှိတော့ဘူး ဆိုတဲ့အတွေးတစ်ခု ဟာ အမြဲတမ်း ညသခေါင်ယံကျော်လာကြပါတယ်။ ဒါကြောင့် အငယ်ဆုံးတွေဟာ အရွယ်ရောက်လာကြတဲ့အခါ သူများတွေထက်ပိုပြီး ရင့်ကျက်လာတက်ကြတယ် တစ်ချို့ဆိုရင် လုံးဝတိတ်ဆိတ်သွားတက်ကြတယ်။ "မိသားစုတစ်ခုမှာ အဲ့ဒီမိသားစုကိုပြောင်းလဲပေးမယ့်သူ တစ်ယောက်တော့ပါတယ်" ဆိုတဲ့စကားဟာ.... အငယ်ဆုံးတွေကို ရည်ရွယ်ပြီး ပြောခဲ့ကြတယ်ထင်ပါရဲ့.... အငယ်ဆုံးဆိုတဲ့ဂုဏ်ဟာ အကြီးမားဆုံးတာဝန်တစ်ခုကို ဖန်တီးရန်အတွက်ဖြစ်တည်လာတယ်ဆိုတာ နားလည်လာတဲ့ အချိန်ဟာ အငယ်တွေဟာ ရုတ်တရက်အကြီးဖြစ်ကြတဲ့အချိန်ပါပဲ။ အစကတည်းက ပြီးပြည့်စုံနေကြတဲ့သူတွေနဲ့ ကိုယ့်ကိုယ်ကိုယ် နှိုင်းနေလို့မရဘူးဆိုတာသိလာကြတယ်။ ဒါကြောင့် သူများတွေ သုံးနိုင်ဖြုန်းနိုင်တာကို အားမကျပဲ "ဘဝ"မှာ ဘယ်လိုအောင်မြင်အောင်လုပ်ရမလဲဆိုတာပဲ စဉ်းစားလာတက်ကြတယ်။ တစ်ကယ်ပါ မိသားစုတစ်ခုလုံး ပြောင်းလဲသွားဖို့ဆိုတာ အငယ်ဆုံးတွေနဲ့ပဲဆိုင်ပါတယ် အကြီးဆုံးတွေရဲ့တာဝန်မဟုတ် တော့ပါဘူး အကြီးတွေရဲ့တာဝန်က အငယ်တွေကို အစပျိုးပေးဖို့ရယ်ပါ။ ဒါဟာ ဂိမ်းတစ်ခုလိုပါပဲ နောက်ဆုံး Game over အဆင့်ကိုရောက်ဖို့အတွက် ပထမဆုံးအခန်းတွေက အတွေ့အကြုံနဲ့ Support တွေပေး တယ်။နောက်ဆုံးတိုက်ရတဲ့အခန်းက ကတော့ တစ်ကယ့်ကို ပြင်းပြင်းထန်ထန်ပါပဲ။

🐉Ah Gu Gun🐉

Open In TikTok:

Region: MM

Sunday 23 November 2025 23:37:59 GMT