@ceo.com.kh: កាណាដា និងឥណ្ឌា ឯកភាពគ្នាចាប់ផ្ដើមកិច្ចចរចាពាណិជ្ជកម្មឡើងវិញ ក្រោយជម្លោះការទូតធូរស្រាល (អូតាវ៉ា)៖ រដ្ឋាភិបាលឥណ្ឌា កាលពីថ្ងៃអាទិត្យ ទី២៣ ខែវិច្ឆិកា បាននិយាយថាឥណ្ឌា និងកាណាដា បានឯកភាពគ្នាចាប់ផ្ដើមកិច្ចចរចាដែលជាប់គាំងឡើងវិញសម្រាប់កិច្ចព្រមព្រៀងពាណិជ្ជកម្មថ្មីមួយ បន្ទាប់ពី កិច្ចពិភាក្សារវាងប្រទេសទាំង២ ត្រូវបានផ្អាកក្រោយផ្ទុះជម្លោះការទូតនឹងគ្នាកាលពីជាង ២ឆ្នាំមុន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ នាយករដ្ឋមន្ត្រីកាណាដា លោក Mark Carney បានជួបនាយករដ្ឋមន្ត្រីឥណ្ឌា លោក Narendra Modi នៅក្នុងកិច្ចពិភាក្សាទ្វេភាគីមួយនាឱកាសចូលរួមកិច្ចប្រជុំកំពូល G20 ក្នុងទីក្រុង Johannesburg ប្រទេសអាហ្វ្រិកខាងត្បូង។ នៅក្នុងសេចក្ដីថ្លែងការណ៍មួយ ការិយាល័យនាយករដ្ឋមន្ត្រីឥណ្ឌាបានគូសបញ្ជាក់ថា «មេដឹកនាំទាំង២ បានឯកភាពគ្នាថានឹងចាប់ផ្ដើមកិច្ចចរចាស្ដីពី កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (CEPA) ដែលមានគោលដៅបង្កើនទំហំពាណិជ្ជកម្មទ្វេភាគីឱ្យដល់ ៥០ពាន់លានដុល្លារនៅមុនឆ្នាំ២០៣០»។ តាមសេចក្ដីថ្លែងការណ៍ខាងលើ ភាគីទាំង២ក៏បានប្ដេជ្ញាចិត្តឡើងវិញចំពោះកិច្ចសហប្រតិបត្តិការនុយក្លេអ៊ែរស៊ីវិលរបស់ប្រទេសទាំង២ ជាមួយការកត់សម្គាល់ពីកិច្ចពិភាក្សាដែលកំពុងធ្វើឡើងជុំវិញការពង្រីក កិច្ចសហប្រតិបត្តិការ ក្នុងនោះរួមមានទាំងការផ្គត់ផ្គង់សារធាតុអ៊ុយរ៉ាញ៉ូមផងដែរ។ គួរបញ្ជាក់ថា កាណាដាបានផ្អាកកិច្ចចរចាលើកិច្ចព្រមព្រៀងពាណិជ្ជកម្មដ៏សំខាន់មួយកាលពីឆ្នាំ២០២៣ បន្ទាប់ពីទំនាក់ទំនងរវាងប្រទេសទាំង២ ល្អក់កករនឹងគ្នា នៅពេលទីក្រុងអូតាវ៉ាបានចោទប្រកាន់ រដ្ឋាភិបាលឥណ្ឌាមានជាប់ពាក់ព័ន្ធនឹងការបាញ់សម្លាប់មេដឹកនាំផ្ដាច់ខ្លួន Sikh ម្នាក់ នៅលើទឹកដីកាណាដា។ តែឥណ្ឌាបានច្រានចោលការចោទប្រកាន់នេះ៕

CEO

Open In TikTok:

Region: KH

Monday 24 November 2025 02:52:55 GMT