@lordm7md1: جهِّز روحك حتّى نطلع برحلة نستكشف بيها أنفسنا ونجاوب على أسئلتنا ، هل الإنسان من الممكن يتخطى بشكل كامل ؟ لو بمجرد ما ينفرد مع نفسه ويبتعد عن حياة الصخب راح تهيج عليَ الذكريات كذئب جائع تركناه طويلًا بدون مواجهة؟ الشّاب بطبعه يحب يدخل علاقة عاطفية يحب يحصل الإهتمام يحب يشوف ولو شخص واحد بهذا العالم يغار عليَ ويحبه بالشكل المطلوب لكن الواقع مُر والمُطر مو دائمًا ينزل مثل ما يتمنى الإنسان .. القدر خوّان و راح يخلي المطر يرشگ عليك ويتركك بدون مظلة ف الشاب ياأعزائي يخضع أمام أول صدمة عاطفية و يحاول بكل الطرق يبتعد عن أوقات الفراغ " حتى لايسترجع الذكريات " فيلجأ لحياة الصخب يبدي يدخل جم و يطلع وي اصدقائه بشكل متكرر ويگعد وي عائلته ويلاعب الاطفال ويحاول يقتل وقته بكل الطرق لكن ياأصدقائي هذا الفعل غلط وأكبر غلط . لأن بمجرد ما يحل عليك يوم مملوء بالفراغ راح تبتدئ الذكريات بالرجوع ذكرى ذكرى لحد ماتجرفك شوي شوي وتطيحك ببحر بدون نجادة . حلها شنو وشلون نتخلص من الذكريات ؟ • أصدقائي بالأساس أحنه ليش نتهرب من واقعنا ؟ تمام مرينا بعلاقة عاطفية وبعد مابنينا مستقبل مشرق تهدم عند أول خلاف لكن السؤال احنه ليش نلجأ للصخب ليش نحاول نملي أوقات فراغنا ؟ ، واجب على الإنسان أن ينطي نفسه فترة من الزمن نصف شهر كلش كافية بهذا النصف خل يعيش بالذكريات وينام بيها يجهد روحه بالذكريات وكلش ينهي روحه بس بالنهاية أريده يطلع بصورة صافية وإلّي عنوانها هو " هذا الشخص ماراح أتذكر من عنده بس الأمور الجميلة وكل ماأتذكره أتمناله مستقبل يليق بي" لأن هذا الشخص عشنا ويّا أيام جميلة سهرنا سوا وگعدنا سوا قدمنا تشجيع لبعض وسمَّعنا كَلام حلو لبعض لهذا مو حلو نحاول نتهرب من عنده چنه عدو مو خِل إلنا صدگوني الهروب من الذكرى مو اللجوء للصخب وإنما الهروب من الذكرى هو عيشها لازم تتغلغل بأعماق الذكريات وتنغمس بيها لحد ماانتَ تكتفي وتشبّع نفسك وبالنهاية تطلع بصورة جميلة تليق بيك وبالشخص إلي قضيت ويا فترة من الزمن ولاتتخذ هذا الشخص درس وتبتعد عن أي علاقة تجيك لا تعلّم من أخطائك ومن أخطاء خِلَّك ومن تفكر تدخل علاقة جديدة اذا لاحظت تصرفات علاقتك القديمة جاي تنعاد اگطع خيط العلاقة قبل لا يصير حبل ويصعب عليك گطعه . ـ محمد احمد #writer #نص #كتاباتي #الذكريات #التخطي
