@nxd6z: أناشدكم يا عيال طويق… يا جماعتي وظهري وسندي. وقفوا معنا، خلونا نرجّع حقوقنا وأعمارنا اللي ضاعت. الموضوع تجاوز حدّه، وربّ العباد يشهد إن عندنا الأدلة كاملة من مقاطع، صور، وتغريدات تكشف كل تلاعبهم. روحو لأي حساب لهم… بتشوفون التعليقات مقفلة، والناس ممنوعة حتى تتكلم. ما في أحد يسوي شي طيب وخدمه للبلد ويخاف من رأي الناس، ولا يقفل التعليقات إلا اللي يخشى انكشاف لعبته. ناس كثير حاطينهم انتظار إلى 2030 و2035… عشان بس يركبون الطيارة! كذبوا بعدد الطيارات، كذبوا بعدد المدربين، كذبوا بعقودهم… كذبوا في أوقاتهم.. كذبوا في عقودهم.. كذبوا حتى ب أسمهم!! كذبوا في كل شي، وإحنا اللي قاعدين ندفع الثمن: أرواحنا وفلوسنا ومستقبلنا. والله، وبالله، وتالله… إن الأيادي تكبّلت، والأقدام تقيّدت، والأبواب انغلقت بوجيهنا. لا عرفنا نتزوج مثل الناس، ولا نشتغل، ولا نعيش حياة بسيطة زي كل البشر. أهلنا يحسبون الفشل منا وفينا. ما يدرون عن اللي نعيشه من تأخير، وإهمال، وخداع. أناشدك يا ملكنا… يا أبونا… شف وضعنا بعينك. والله العظيم ما كان حلمي كبير… كنت أبي أكون ممثل وأسوي الشي اللي أحبه، لكن عمري ما كسرت خاطر أمي وأبوي وابي ارفع لهم روسهم مو أدنسها بين البشر عشان كذا لبية لهم رغبتهم التأخير الي صاير لا هو فشل مني ولا من الأربعمية طالب الي معانا الي قاعد يصير حاجه تقتل الروح اليوم… أنا وأربعمية طالب معي عايشين في ضياع. أغلبنا مغتربين، وكل واحد يدور له وظيفة تسد إيجاره وكهربته… حتى حياتنا سُلبت منا. #الشعب_الصيني_ماله_حل😂😂 #foryoupage #fyp #explor #اكسبلورexplore

NxD6z

Open In TikTok:

Region: SA

Saturday 29 November 2025 12:59:29 GMT