🛑 ဘုန်းကြီးသုဿန်ဓုတင်ဆောင်နေတော့ အနားမှာ တရှုံ့ရှုံ့နဲ့လာငိုတာရှိတယ် .....🍂 ▪️ ဘယ်သူတုန်း လို့မေးတဲ့အခါ ... 🌿 ဘုန်းဘုန်းဒကာကြီး တစ်ဦးဖြစ်တဲ့ ဦးဘယ်သူရဲ့ သမီးပါဘုရားတဲ့။ ဘယ်လိုဖြစ်နေလဲ လို့ မေးတဲ့အခါ တပည့်တော်မ သေခါနီးမှာ သမီးနှစ်ယောက်ကို စွဲပြီးသေခဲ့ရလို့ ကြောက်မက်ဖွယ်ကောင်းတဲ့ ဘဝဆိုးကို ရောက်ရှိနေပါတယ်ဘုရားတဲ့။ ဒါကြောင့် ဘယ်သူမှလဲကယ်လို့မရတဲ့ ဘဝဆိုတာ အဲဒါပဲပေါ့ မေတ္တာပို့ပေးမယ် အမျှပေးဝေမယ် အမျှယူနော် လို့ပြောတော့ တပည့်တော် အမျှခံယူလို့မရပါဘုရား တဲ့။ တပည့်တော်ကို လူသုံးယောက်က ဝိုင်းပြီးတော့ ထုရိုက်နေကြပါတယ် အရှင်ဘုရားနားကို ရောက်တော့အရှင်ဘုရားရဲ့ မေတ္တာကြောင့် တပည့်တော်မ ခဏ သက်သာရာ ရနေပါတယ် သူတို့ ရှေ့ဆက်မရဘူး ရပ်နေကြတယ် ဘုရားတဲ့။ တကိုယ်လုံးမှာလည်း စူးတွေပေါက် နေပြီးတော့ အရိုက်ခံနေရတဲ့ ပြိတ္တာဖြစ်နေပါတယ် တဲ့။ အော်ကုသိုလ်သည်သာ အားကိုးရာပါလားလောဘဇောနဲ့သေတော့ ပြိတ္တာဘဝရရှာတယ်။ ကုသိုလ်တရားစွမ်းအားတွေ မိမိနှလုံးသားထဲမှာမရှိထားဘူးဆိုရင် #လူပြိတ္တာ # #ဘုန်းကြီးပြိတ္တာ #သီလရှင်ပြိတ္တာတွေ ဖြစ်ကြရတယ်နော်။ တပည့်လေးတစ်ယောက် ဘုန်းကြီးနဲ့ဝေးကွာပြီးနောက်ပိုင်းမှာ ကုသိုလ်ကောင်းမှုတွေ သူမလုပ်ဖြစ်တော့ဘူး။ အသက်၂၆နှစ်မှာ ငှက်ဖျားပိုးဝင်ကွယ်လွန်သွားခဲ့တယ်။ တနေ့ သုသာန်ဓူတင်ဆောင်နေတုန်း ပုံပျက်ပန်းပျက်နဲ့ ရောက်လာတယ်။ နံစော်နေတာပဲ။ဘယ်လိုဖြစ်တာလဲကွာ ဆိုတော့ တပည့်တော် မကောင်းတာတွေလုပ်ခဲ့မိတယ်ဘုရား တဲ့။ ကဲ အဲ့ဒါဆို သာဓုခေါ်ပါ အမျှပေးမယ်ဆိုတော့ အရှင်ဘုရား သာဓုမခေါ်နိုင်တဲ့ဘဝပါတဲ့ ငိုယိုပြီးပြန်သွားရှာတယ်။ အော် ကုသိုလ်ကောင်းမှုမရှိခဲ့တဲ့ဘဝ ကြောက်စရာနော်။ သာဓုမခေါ်နိုင်တဲ့ဘဝရောက်ရတတ်တယ်။ တခါက ရိုးမတောထဲမှာ တရားထိုင်နေစဉ်ကချောက်ကမ်းပါးထဲကနေ တက်လာတဲ့ ပြိတ္တာကျတော့ ပိန်ကပ်နေပြီး အရိုးချည်းပဲ။ ဆာလောင်နေပြီး အင် အင်နဲ့ ညည်းညူကာ ဟိုဘက်ပြေးလိုက် ဒီဘက်ပြေးလိုက်နဲ့ အစာရှာနေတယ်။ ဘုန်းကြီးက သနားလို့အို ပြိတ္တာကြီး ဒီအနားလာခဲ့ပါ တရားဟောပြီး အမျှပေးပါမယ် ဆိုတာ တချက်လှည့်ကြည့်ပြီး ချောက်ထဲ ဆင်းပြေးသွားတယ်။ ခေါင်းတခုလုံးသွေးတွေရဲနေပြီး ငှက်ပြိတ္တာတွေက ထိုးဆိတ်ခံနေရတဲ့ ပြိတ္တာကြီးကိုလည်း တွေ့ခဲ့ရဘူးတယ်။ တခါတရံ မျက်လုံးသုံးလုံး ခေါင်းကအကြီးကြီး ကိုယ်ကသေးသေးလေးနဲ့ ပြိတ္တာကိုလည်း တွေ့ခဲ့ရသေးတယ်။ အကုသိုလ်ကံတွေက ဆန်းကြယ်တဲ့ ပုံသဏ္ဍာန်တွေနဲ့ပြိတ္တာဘဝကိုရရှိစေ ပြီးဆင်းရဲဒုက္ခတွေကို အဆက်မပြတ်ခံစားနေကြရရှာတယ်။ ဘုန်းကြီးကသနားလို့အမျှပေးပေမယ့် သူတို့မှာ ကုသိုလ်ကံကတစက်မှမရှိပဲ အကုသိုလ်ကံချည်းသာရှိနေတော့ သာဓုမခေါ်နိုင်ကြရှာဘူး။ ဒါ့ကြောင့် ကုသိုလ်မှန်သမျှအကုန်ပြုကြ။ လူတွေဟာ ကြောက်စရာ ကောင်းတယ်နော်။ ချစ်ရင်လည်း နှစ်ယောက်မရှိ။ မုန်းရင်လည်း နှစ်ယောက်မရှိဘူး။ ချင့်ချိန်မှု အားနည်းကြတယ်။ သတိမရှိကြ၊ အသိဉာဏ် အားပျော့တယ်။ အမှန် နားလည်သဘောပေါက် ထားရမှာက ချစ်စရာနှင့်ပဲ တွေ့တွေ့၊ မုန်းစရာနှင့်ပဲ တွေ့တွေ့၊ နှလုံးသွင်းမှန်မှန်ဖြင့် ဘာပဲဖြစ်ဖြစ် ခဏလေးပါလား လို့ သတိထား ဆင်ခြင်လိုက်ရမယ်။ မည်သည့် အာရုံမဆို ခဏကလေးရယ်ပါ။ ဖြစ်ပေါ်လာရင်လည်း ခဏ၊ ပျက်သွားပြန်တော့လည်း ခဏပါလား ဟု စိတ်မှာသတိကပ်ပြီး ဉာဏ်ကလေးနှင့် အသိဝင်ပေးလိုက်ပါ။ ဘာပဲဖြစ်ဖြစ် ခဏလေးပါနော်။ ဒါဆို စိတ်အေးသွားလိမ့်မယ်။ ဘဝသံသရာကြီးဟာ ရှည်လျားလွန်းတယ်။ ရေတွက်လို့ မရလောက်အောင် ရှည်ခဲ့ပြီးပြီ။ အပြီးသတ် ချုပ်ငြိမ်းစေသော အရာဝတ္တုသည် မရှိ။ မြတ်ဘုရား၏ အဆုံးအမ သစ္စာလေးပါးကို သိမြင်ခြင်း၊ မှတစ်ပါး လမ်းမရှိ။ ဒုက္ခသစ္စာမှ နိရောဓသစ္စာသို့ မျက်မှောက် မပြုနိုင်သရွေ့၊ အို၊ နာ၊ သေ ကြရမှာပါ။ ဒါကြောင့်မို့ .. ခုအချိန်သည် မိမိအတွက် ကံကောင်းတုန်း၊ ဉာဏ်ကောင်းကောင်းဖြင့်၊ မြတ်သောကျင့်စဉ် မရမရှိ၊ မသိမဖြစ်၊ သိမြင်နိုင်အောင် ကြိုးစားအားထုတ်နိုင်ကြပါစေ ဟု ဆန္ဒပြုလျက်။ တချို့လူတွေက ပြောတတ်ကြတယ်။ တရားအားထုတ်ဖို့ တောထဲ မလိုပါဘူး။ တရားက တောမှာရှိတာမှ မဟုတ်ဘဲ၊ တရားက ခန္ဓာထဲမှာ ရှာရမှာဆိုပြီး၊ စကားတွေ ပြောကြတယ်။ ဘုန်းကြီးက ပြောလိုက်ချင်တာက၊ တောအရသာကို မသိလို့၊ ထိုသူ ပြောတာပါလို့။ ရှေးအရိယာ သူတော်ကောင်းတို့သည် တောမှာပဲ ဘဝကို အပြီးတိုင် အသုံးပြုသွားကြတယ်ဆိုတာ သူတို့ မသိလို့ပေါ့။ တို့မြတ်စွာဘုရားသည် တောမှာ မွေး၊ တောမှာ သစ္စာတရားသိ၊ တောမှာ ပရိနိဗ္ဗာန် စံတော်မူခဲ့သည် မဟုတ်ပါလား။ ပိုသိချင်ရင် မဟာဗောဓိမြိုင်ဆရာတော်ကို သွားမေးကြည့်လိုက်။ တောရ ဆောက်တည်ရခြင်း ကျေးဇူးဘယ်လောက် တန်ဖိုးရှိတယ် ဆိုတာ။ ⚜️မြောက်ဦးဆရာတော်ကြီး🙏🪷🌿 #မြောက်ဦးဆရာတော် #tiktok - @saw....sa.kya.wa.la