@oldestreligion0: བོན་གྱི་བར་ཆོད་ལམ་སེལ་བཞུགས་སོ། ཨེ་མ་ཧོ། སྔོན་བྱོན་དྲང་ངེས་ཕྱོགས་བཅུའི་སངས་རྒྱས་དང༌། ད་བྱོན་དྲང་ངེས་ཕྱོགས་བཅུའི་སངས་རྒྱས་དང༌། སླད་བྱོན་དྲང་ངེས་ཕྱོགས་བཅུའི་སངས་རྒྱས་སོགས། དུས་གསུམ་སངས་རྒྱད་ཀུན་འདུས་བླ་མའི་ཐུགས། སྐྱབས་གནས་ཀུན་འདུས་རྩ་བའི་བླ་མ་ལ། ཕྱག་འཚལ་སྡིག་བཤགས་མཆོད་འབུལ་གསོལ་བ་འདེབས། བར་ཆད་ཀུན་ཞི་ཐར་པའི་ལམ་སྣ་འདྲེན། བསམ་པ་ལྷུན་གྱིས་གྲུབ་པར་བྱིན་གྱིས་རློབས། རྒྱལ་བ་ཀུན་གྱི་དགོངས་པ་མངོན་ཤར་བཀའ། མ་ལུས་ཀུན་མཁྱེན་འཕགས་པ་ཀུན་གྱི་ལུང༌། བཀའ་ལུང་ཀུན་ཤོང་དྲི་མེད་རང་རིག་སྣོད། ཚད་གསུམ་བོན་མཆོག་ཀུན་འདུས་བླ་མའི་གསུང༌། སྐྱབས་གནས་ཀུན་འདུས་རྩ་བའི་བླ་མ་ལ། ཕྱག་འཚལ་སྡིག་བཤགས་མཆོད་འབུལ་གསོལ་བ་འདེབས། བར་ཆད་ཀུན་ཞི་ཐར་པའི་ལམ་སྣ་འདྲེན། བསམ་པ་ལྷུན་གྱིས་གྲུབ་པར་བྱིན་གྱིས་རློབས། བསླབ་པ་ཚུལ་ཁྲིམས་ལྡན་པའི་དགེ་འདུན་དང༌། བསླབ་པ་ཏིང་འཛིན་ལྡན་པའི་དགེ་འདུན་དང༌། བསླབ་པ་ཤེས་རབ་ལྡན་པའི་དགེ་འདུན་སོགས། བསླབ་གསུམ་དགེ་འདུན་ཀུན་འདུས་བླ་མའི་སྐུ། སྐྱབས་གནས་ཀུན་འདུས་རྩ་བའི་བླ་མ་ལ། ཕྱག་འཚལ་སྡིག་བཤགས་མཆོད་འབུལ་གསོལ་བ་འདེབས། བར་ཆད་ཀུན་ཞི་ཐར་པའི་ལམ་སྣ་འདྲེན། བསམ་པ་ལྷུན་གྱིས་གྲུབ་པར་བྱིན་གྱིས་རློབས། དུས་གསུམ་ཕྱོགས་བཅུའི་སངས་རྒྱས་བྱིན་རླབས་དང༌། ཚད་གསུམ་ལུང་རྟོགས་བོན་གྱི་བྱིན་རླབས་དང༌། བསླབ་གསུམ་སེམས་དཔའི་མང་ཚོགས་བྱིན་རླབས་ཀྱིས། སྒོ་གསུམ་སྨོན་ལམ་གང་བཏབ་མྱུར་དུ་འགྲུབ། འདི་ཡི་མཐུ་སྟོབས་བདག་སོགས་གར་གནས་སར། ནད་མུག་མཚོན་འཁྲུགས་མི་མཐུན་མིང་མེད་ཀུན། སེམས་ཅན་དཔལ་འབྱོར་ཕུན་ཚོགས་ཐེག་གསུམ་བོན། མཁའ་ཁྱབ་ས་སྟེང་དར་རྒྱས་ཡུན་གནས་ཤོག #bonreligion #yungdrungbon #prayer #dedication

Bon Religion

Open In TikTok:

Region: NP

Sunday 07 December 2025 11:13:42 GMT