Mimi ni baba umri wangu ni miaka 39, nimeoa na tumebarikiwa watoto watatu mpaka Sasa. Mimi ni mwanajeshi ila Kwa Sasa nimeacha kazi baada ya kupata matatizo ya kisukari iliyo pelekea Mimi nikakatwa mpaka mguu, ni mwaka wa pili Sasa toka nikatwe mguu lakini hali yangu bado ni mbaya sana na mara nyingi nalazwa sana hospital pia huu mguu ulio bakia uko kwenye hatari pia ya kukatwa. Dada kama ujuavyo watu wenye sukari huwa ni ngumu tena kufanya tendo la ndoa au hata ukifanya uwezo siyo ule ulio kuwa nao mwanzo, Mimi Kwa Sasa uwezo wa kufanya tendo haupo kabisa Kwa sababu Afya yangu ni mbaya sana, nateseka sana. Kilicho fanya nikutafute dada yangu ni mambo ambayo ananifanyia mke wangu, Kuna siku niliwahi kuona kwenye simu yake Wana wasiliana na mwanaume mwingine pale pale nikawa nimepata jibu kuwa mke wangu amesha pata mwanaume mwingine, niliumia sana, nikalia sana, ila Kwa vile Sina uwezo wa kumridhisha tena ikabidi tu nimuombe hayo mambo yake awe anafanyia mbali na siyo kwangu au kunionyesha wazi wazi, nikamuomba pia ahakikishe watoto wasijue hicho kitu. Dada, ilikuwa jumatano usiku nilisikia nyuma ya nyumba kishindo Cha mtu, ikabidi nichukue magongo yangu nikatoka taratibu mpaka nje, Kwa vile nyumba Ina ina uzio ikabidi nizunguke taratibu kuangalia nyuma, Kwa macho yangu nilimkuta mke wangu kakumbatiana na mwanaume huku mke wangu kavaa nguo ya ndani huku taulo lipo chini, yule mwanaume baada ya kuniona alinikimbilia nikajua anakuja kunipiga, alicho fanya ni kunisukuma nikandondoka chini akawa amekimbia, siku bahatika Kumuona sura, na mke wangu akawa amepitia upande wa pili akarudi ndani. Haya yote sijamuambia mtu yeyote nafikiria hata nifanye nini nashindwa, nawaza niwaambie ndugu zangu Ili wanisaidie kuachana na huyu mke wangu ila hofu yangu ni watoto bado wadogo na sipendi walelewe na mtu mwingine, nawapenda sana wanangu, najua maisha yangu hapa Duniani yame baki kidogo tu ila napenda niendelee kuwaona wanangu wakiwa na furaha. Ukweli dada yangu Kwa Sasa naona mke wangu ndiye anaye nitesa kuliko hata huu ugonjwa wenyewe nashindwa hata Cha kufanya, nateseka sana sioni sababu ya mimi kuletwa hapa Duniani mateso ni makali, sijamuelezea mtu yeyote kuhusu hii tabia ya mke wangu hata dada wa kazi nimemkataza asije kumuambia mtu yeyote lakini imebaki kama mateso kwangu. - @mrsmiss00