دیوانا ئەحمەدێ نالبەند ( دنیا ) ،؛ دونــیا ؛،. گەلی عەبدا موسلمانین نەزەرکەن شەر و غەوغایێ نهو ئەم پویچە ئینسانین لەوا دین کەفتە بەر تایێ مە مولکێ غەفلەتێ کێلا چەرین تێدا وەکو چێلا مە دونيا گرت و دین هێلا عومر روژە چو ئاڤایێ خودێ دونیا بو طاعەت دا نەبو هێلان و لەزەت دا وەکی دین لێ نەبا نە د دا مە بێدەر پڕ کرە ژکایێ ژ دانى مالەکا خالی چ قورشێ هەی مە رامالی بو مرنا خو تو نا نالی وەکی روح کەت بەر ئیزایێ ژ دل بەردەن ئەڤێ بیرێ بەحەشت کانێ ئەڤە لکیرێ ؟ تو مرنا خو نەبە ژ بیرێ نە غافل بن ب دونیایێ شەڤا رەش کفشە هنگوری بەفر باری ل سەرێ ژوری تو دێ هەر چی تو مەجبوری هەچی روژا تەچو نایێ تو دێ ڤێ عالەمێ هێلی وەکی ل قەبری ڤەدان کێلی تە ژی بارکر وەکی عێلی ل بەر گەرمێ و سەرمایێ ئەڤی حالی ئەڤی ملکی ئەڤی تشتی ئەڤی جلکی ئەڤی رەنگی ئەڤی خولکی تودێ هێلی ل مەرعایێ نەزەر کەن باب و باپیرا ملوكو حاکم و میرا هەمو رازان بنێ بیرا مرن خورتە چەوا شیایێ مرن خورتە چ سولتانە کو جەلادا مە هەمیانە مە بەسە ئەف رحو مانە ل سەر ڤێ پیرە زەرقایێ ل ناف چالان مەحین هەستی ل دور کرما سەفا بەستی کەسێ تشتەک نەما دەستی خودانێت بەژن و بالایێ خودانێت گەردەن و خالا جەمال و مولکەت و مالا هەمی ژێ دەرکەتن ڤالا خوزیکا ئەهلێ مەرضایێ نەدە ب دونیا بەطال دینی ژ عومری زێدە نامینی هەمی ژێ چون تو يێ دبینی ل دينێ خو بکەن رایێ کەسێ دنیا کری پشتی وی ئیمانا ژ سەری رشتی کو شەیطانی ئەوێ کوشتی کەلەخ هێلا ل صەحرایێ رەسول الله چ ناصح بوو نەصیحەت راست و واضح بوو کەسێ گوھ دایێ ناجح بوو نەکەفتە قەهرو ئەی وایێ ل دونیایێ تو کاروانی چ لازم مالەکێ بدانی ڤەمان نینە بو مێهڤانی خودێ ئەف رەنگە هو دایێ حەقیقەت فایدە هەر دینە کو دونیا مەنفیعەت نینە نەخوشە و بەحرەکا شینە نەکەڤنە بەحرو دەریایێ کەسێ براست مال چو قوناغا کەتە سویک و رەز و باغا ئەوە ماقول ئەوە ئاغا چ لازم حالێ ئیشقایێ وەلەو ئەحمەد نەخوش مێرە گونەھ بێ حەد کرین گێرە بەلێ نصيحەت هەرا بخێرە خوزیکا وی خو کێشایێ ( مەلا ئەحمەدێ نالبەند ) ل وى دەمێ خو ئەحمەدێ نالبەند ھوسا ڤەھاندى يە ل سەر دونيايێ، پا وى ئەف دەمە ديتبا دا چەوا ڤەھينت ! - @peshraw_shaban_hasan